Ziztu bizian
Aste Santuan Unibertsitatea.net oporretan
Apirilaren 8a bitartean unibertsitatea.net ataria oporretan egongo da.
UPNA/NUPeko ikasle batek Androiderako jokoa sortu du haurrei euroak erabiltzen erakusteko
Erabiltzaile hauen zailtasunik handienak txanponak eta billeteak bereiztea, produktu bat txanpon-kopuru jakin batekin erosi dezaketen jakitea eta produktua erosi eta gero dagokien "atzerako dirua" kalkulatzea dira egilearen ustetan. Hauei irtenbide bat emateko sortu du bideojokoa.
UPNA/NUPek Nafarroako Orkestra Sinfonikoaren abonamendu zikloko obrei buruzko gunea sortu du
Guztira 24 obrei buruzko informazio osagarria bildu dute eta obra horien artean daude besteak beste Antoni Dvoraken-en "Mundu berriaren sinfonia", Joaquín Rodrigoren "Aranjuezko kontzertua", Johann Sebastian Bachen "Pasioa San Mateoren arabera" eta Wolfgang Amadeus Mozarten "Figaroren ezteiak".
Oier Lakuntza: “Itsu batentzat kimika kuantikoa da kimikaren adarrik eskuragarriena, lan guztia ordenagailuz egiten baita”
Oier Lakuntza Kimika kuantikoan da doktorea; Nafarroako Unibertsitatean hasi zen Kimikako ikasketak egiten eta ondoren, beka baten bitartez, Euskal Herriko Unibertsitatean egin du bere doktoretza.
Pedro Miguel Etxenike eta Pilar Kaltzada: Gu ere, UEU
UEUk martxoan hasitako atxikimendu kanpainaren barnean kokatzen den bideoan Pedro Miguel Etxenike fisikariak eta Pilar Kaltzada komunikazio-adituak erakundeak ikerkuntzan izandako paperari buruz hitz egiten dute. Beraien iritziz: "Iragan zoragarria izan ordez, nahiago genuke etorkizun on bat izatea".
Bost urtetik gorako graduak master izatera pasatuko dira
Espainiako Hezkuntza Ministerioak asteon argitaratutako errege-dekretuaren zirriborroak bost urtetik gorako graduak master izatera pasatuko direla dio. Talde honetan sartuko dira besteak beste Medikuntza, Erizaintza, Odontologia edo Arkitektura.
"Master Eguna" ospatuko da apirilaren 19an UPV/EHUn
Master bat edo graduondoko eta etengabeko prestakuntzako beste ikastaro batzuk eginez espezializatu nahi duen tituludunei dago zuzenduta "Master Eguna". UPV/EHUren Bizkaia Aretoan ospatuko da.
Ikasleen ikas baldintzak aztertzeko ekimena abiatu dute UPV/EHUko eta UPNA/NUPeko Ikasle Abertzaleak
"Eta zure klasean, zer?" dinamikaren helburu nagusia da ikasleen ikas baldintzen (kostu/zerbitzu balantzean) egoeraren zundaketa kolektibo bat egitea eta horretarako galdetegi bat prestatu da.
Oihenart Aforismoen III. lehiaketa antolatu du UPV/EHUk
Aforismoak modu laburrean azaldutako pentsaerak dira eta Literaturan adibide ugari aurkitu daitezke: kontakizun laburrak, herri-ipuin motzak, esaera zaharrak... Parte hartzeko azken eguna abuztuaren 31a da.
Gaixotasun tropikal ahaztuak aztertzen jarraitzeko beharraz hitz egin dute Nafarroako Unibertsitatean
OMEk berak (Osasunaren Mundu Erakundeak) arretarik gabeko edo ahaztutako 17 gaixotasun tropikal daudela onartzen du. 1.000 milioi pertsonek dute gaixotasun hauetako bat.
Espainiar Fabrikazio Ingeniaritzako Elkarteak UPV/EHUko ikasle baten Karrera Amaierako Proiektua saritu du
Iñaki Arrizubieta ikasleak lortu du saria "Microtaladrado láser" lanarekin. Bertan tamaina mikroskopikoko zulagailu industrialerako laserraren erabilera ezberdinak ikertu ditu.
7 milioi euro eskuratu ditu Ikerbasquek 100 ikerlari gazte kontratatzeko
Ikerbasquek 100 ikerlari gazte kontratatuko ditu 2013-2017 artean Bruselan eskuratutako 7 milioi euroko laguntzarekin. Dagoeneko 25 ikerlari gazte eta 10 ikertzaile senior kontratatzeko deialdiak ireki ditu.
UEUko liburuak erdi prezioan Liburuaren Nazioarteko Egunean
Bihar, apirilak 23, UEUren liburu guztiek %50eko deskontua izango dute.
Juan San Martin bekaren aurtengo ikerketa-esparrua kazetaritza izango da
Bekaren iraupena gehienez 18 hilabetekoa da eta saria 9.000€koa.
Arabako Kartografia Historikoaren inbentario digitala udarako prest egongo da
UPV/EHUko irakasle eta ikasle talde bat Arabako Kartografia Historikoaren inbentario digitala egiten ari dira. Bertan, 1900 aurreko dokumentazio guztia jasoko dute eta oraingoz 23 artxibategitan banatutako 413 mapa eta plano dokumentatzea lortu dute.
Dialektoen eta hizkeren arteko desberdintasunak estatistikoki neurtu eta sailkapen automatikoa egiteko programa informatikoa: DiaTech
DiaTech bariazio geolinguistikoaren analisia egiteko tresna da eta edonork bere datu propioekin analisiak egiteko aukera du.
Matrikula ordaintzeko zailtasunak dituzten ikasleentzako fondo soziala sortuko du UPV/EHUk
Gaur egun matrikula ordaintzeko zailtasunak dituzten 600 bat ikasle omen daude unibertsitatean eta fondo sozialaren bitartez ordaindu ezineko diru hori aurreratuko zaie.
Landare Liluragarrien I. Argazki Lehiaketa deitu du UPV/EHUk
Gizarteko diziplina desberdinetan landareek duten garrantzia azpimarratzea da lehiaketaren helburua.
Liburu baten salmenta arrakasta aurreikusteko sistema informatikoa garatu dute Granadan
Neurona-sare artifizialetan oinarritzen den PreTEL sistema garatu dute Granadako Unibertsitateko ikerlariek. Sistemak, merkaturatuko den liburu berri baten tirada eta salmenta estimazioak eskaintzen ditu.
Miren Ormazabal: "Kultura desberdinen arteko komunikazio modu egokiak ezagutzea funtsezkoa da komunikatzaileontzat"
Miren Ormazabal (@betigerotxuau) EF Global Intern 2013 lehiaketara aurkeztutako 68 lurraldetako 38000 pertsonen artean hautatutako 33 finalistetako bat da. Irabazlearen izena maiatzaren 10ean jakinaraziko dute.
UPNA/NUPeko ikasleak ortuariak lantzen ari dira "Paris 365" jantoki soziala hornitzeko
Ekimena gauzatu ahal izateko unibertsitateak Arrosadiko campuseko Praktiketarako eta Nekazaritza Ikerketarako Etxaldean dauden 380 metro karratuko bi berotegi utzi dizkie ikasleei. Ekimena ikasketa akademikoei esanahi sozial handiagoa emateko prestakuntza ematen duen Ikaskuntza Zerbitzuko esperientzia bat da.
Irantzu Fernandez: “Heldutasunetik nerabezarorako maitasuna idealizatzeko joera dago”
Irantzu Fernandez Soziologian eta Gizarte Antropologian lizentziatua da eta UEUko Antropologia sailburuetako bat da. Nerabezaroko maitasunak hartu ditu bere tesia egiteko aztergai.
Itxaso Martin: ""Normala" denean denok dakigu nola jokatu, besteak beldurtu egiten gaitu"
Itxaso Martinek (1981), ikus-entzunezko komunikazioan eta gizarte eta kultur antropologian lizentziaturak egin ondoren ikerketa feministak eta generoak masterra egin zuen. Orain, doktoretza egiten dabil. Elkarrizketatu egin dugu.
Maria Ruiz: “Argi dago espetxealdia ez dela oro har bizipen atsegina inorentzat, baina badirudi emakumeentzat esperientzia bereziki kaltegarria eta lazgarria dela"
Maria Ruiz antropologoari elkarrizketa bere tesiaren gainean: Espetxeak eta emakumeak.
Ingrid Betancourt-ek Universidad de Navarrako liburutegian bilatu du bere tesirako informazioa
Teologiaren eta politikaren arteko loturaren gaineko hausnarketa da tesiarekin landu nahi duena, bereziki Latinoamerikakoa.
Bartzelonako Unibertsitate Autonomoak hainbat material kendu beharko du campus birtualetik epai batek behartuta
Unibertsitateko irakasleek beraien ikasgaiei lotutako materiala jartzen zuten ikasgela birtualean eta handik ikasleek eskuratzeko aukera zuten. Epaiak era honetan jabetza intelektualaren eskubideak urratzen zirela esan du.
Osasungintzako euskararen ataria sortzeko proiektua aurkeztu du UPV/EHUko medikuntzako ikasle batek
Medikuntzaren eta erizaintzaren arloetan dagoeneko euskaraz dagoen eta aurrerantzean sortuko den materiala gune bakar batean biltzea da Euskalosasuna.eu proiektuaren asmoa.
Ilaski Serrano eta Aines Haristoy: Gu ere, UEU
UEUk martxoan hasitako atxikimendu kanpainaren barnean kokatzen den bideoan Ilaski Serrano eta Aines Haristoyk UEUko Udako Ikastaroetan izan duten esperientzia kontatzen dute. Gainera bideoa partekatuz gero Udako Ikastaroetarako matrikula bat doan eta UEUko liburu bi eskuratzeko aukera izango duzu.
Universidad de Navarrako 3 gradu mundu mailako 200 gradurik onenen artean
Ikus-entzunezko Komunikazioa, Farmazia eta Filosofiako ikasketak mundu mailako 200 gradurik onenen artean daude Quacquarelli Symonds (QS) enpresa britainiarrak egindako ranking-aren arabera.
UEUren 41. Udako Ikastaroetan izena emateko epea ireki da
UEUk uztailaren 1etik 24ra Baionan, Eibarren eta Iruñean antolatuko dituen Udako Ikastaroetan izena emateko epea ireki da. Jakintza alor guztietako ikastaroak aurkituko dituzu: artea eta musika, giza eta gizarte zientziak, ingeniaritza eta teknologia, zientziak, osasuna…
Ikerlari gazteak aholkatuko ditu Gurutz Jaureguik
Hitzaldia maiatzaren 22an ospatuko da Donostian eta giza, lege eta gizarte zientzietako gazte ikertzaileei egongo da zuzenduta.
UPV/EHUko Neuropsikofarmakologiako taldeak bere laborategiak erakutsiko ditu
Maiatza Burmuineko Hilabete Europarra dela aprobetxatuta UPV/EHUko Cibersam-G16 azterketa taldeak bere laborategietako ateak irekiko ditu datorren maiatzaren 23an.
Lanbide Heziketako Goi Mailako Zikloetako ikasleek 30 kreditu baliozkotuko dituzte Nafarroako unibertsitateetan
2013/2014 ikasturtean jarriko da abian neurri berria eta UPNA/NUPen edo Universidad de Navarran graduko ikasketaren bat ikasiko dutenei dago zuzenduta.
Munduko 30 unibertsitate-museo miresgarrienetako bat da UPV/EHUko Medikuntza Historiaren Euskal Museoa
Museoan XIX. eta XX. mendeetan Euskal Herriko sendagileek, ospitaleek eta beste erakunde batzuek erabilitako 6.000 objektutik gorako bilduma batzen da. Honez gain, garai horretako medikuntzako entziklopediez eta liburuez osatutako liburutegia ere badu.
Mediterraneoko dieta adindunen gaitasun mentala hobetzeko baliagarria izan daiteke
Universidad de Navarrak egin du ikerketa eta gaixotasun kardiobaskularrik gabeko 55 eta 80 urte bitarteko 522 gizon-emakumek parte hartu dute.
Etxean heztearen egoera juridikoa aztertu du Madalen Goiria doktoreak
Tesian etxean heztearen gaia zein egoera juridikotan dagoen aztertzeaz gain, deseskolatzearen arrazoiak zeintzuk diren aztertu ditu eta aukera hau hautatzen djuten gurasoei irtenbidak proposatzen dizkiete. Besteak beste Britainia Handiko Flexi schooling edo denbora partzialeko heziketa eredua.
Garatu programan UEUk ematen dituen ikastaroetan izena emateko epea ireki da
UEUk, Garatu irakasleen etengabeko prestakuntza planean emango dituen bost ikastarotan izena emateko epea ireki da. Maiatzaren 30a da azken eguna.
Unibertsoaren historiaren errepasoa egingo dute zientzialariek larunbatean Bilbon
Jardunaldian parte hartuko duten zientzialariekin bizitzaren eta gizateriaren historiaren errepasoa egingo da Big Bang-etik hasita. Gainera unibertsoak izan ditzakeen bukaera desberdinak ere azalduko dira.
Basque Culinary Center irakasle eta aditu bila dabil
Mondragon Unibertsitatearen Donostiako Gastronomia Zientzien Fakultateak irakasleak eta adituak lortzeko deialdia egin du.
Toki garapenari buruzko hitzaldia emango du bihar Adrian Zelaiak Plateruena Kafe Antzokian
Hitzaldian udal eta eskualdeen garapenari buruzko gidalerroak aipatuko dira eta Durangalderako zenbait jarraibide proposatuko dira.
Euskaltzaindiak eduki berria argitaratuko du bere webgunean: "Herri Literatura Jardunaldietako Antologia"
Kontapoesia, herri-narratiba, ahozkotasuna, paremiologia, herri-antzerkia, euskal fraseologia, kantu laburrak eta herri-prosa eta ahozkotasunari buruzko testuak izango dira argitaratuko dituenak.
Diseinu grafikoa, moda diseinua... unibertsitateko graduen baliokideak izango dira Nafarroan
Creanavarra zentro pribatuan titulazio britainiarra izango da ikasleak lortuko duena eta unibertsitateko graduko ikasketen maila izango du. Diseinu Grafikoa, Barne-diseinua, Moda diseinua eta Produktuen diseinua izango dira eskainiko diren titulazioak.
IEB2013ko aurkezpenak Otarrea dokumentu biltegian daude eskuragarri
Telefonia izan zen bilkuraren gai nagusia eta bertan esparru honetan izandako esperientzien eta garatutako softwarearen berri ematea izan zen helburua.
@Uninet_ataria twitter kontuak itxura berria estreinatu du
Gure artean lanean dabilen Itsaso Benedicto (@itsasto) artistak eman dio @Uninet_atariari irudi berria.
Mondragon Unibertsitateak I. Enplegu eta Formazio Azoka antolatu du
Mondragon Unibertsitateak Enplegu eta Formazio Azokaren 1. edizioa antolatu du ekainaren 6an Arrasaten. 4 gune izango ditugu: Enpresa eta erakunde gunea, Lan poltsa eta beka gunea, Elkarrizketa gunea eta Formazio gunea.
Elizabete Manterola: "Tesian idazle bakarraren lanean sakontzeko aukera izan nuen eta haratago jo nahi nuke, idazle ezberdinen joerak identifikatu eta alderatu, esaterako"
Elizabete Manterola Itzulpengintza eta Interpretazioan lizentziatua da Bartzelonako UABean. Gaur egun UPV/EHUko irakaslea da eta horretaz gain UEUko Itzulpengintza Saileko sailburua da. 2012an aurkeztu zuen tesia eta guzti honetaz berarekin hitz egiteko parada izan dugu.
EIZIEk, Literatura Unibertsala bildumako itzulpen-lehiaketa jarri du abian
Lehiaketan itzulpengintzako profesionalek zein hasi berriek parte hartu dezakete eta 2013ko uztailaren 8ara arte dago proiektuak aurkezteko aukera.
UEUk goi-mailako adituak formatzeko apustuari heldu dio
Udako Euskal Unibertsitateak (UEU) 2013/2014 ikasturterako EHU/UPVrekin elkarlanean sustatu dituen lau graduondokoak aurkeztu ditu. UEUren ildo estrategiko nagusienetako bat goi-mailako formakuntzaren euskarazko eskaintza sustatzea da, euskal gizartearen formazio- eta hizkuntza beharrei erantzun eta Euskal Unibertsitatearen ildoa indartzeko asmoz.
IV. Jakintza Librearen Jardunaldiak antolatu ditu Azkue Fundazioak
Bilboko Euskararen Etxean ekainaren 14rako antolatu dituzten jardunaldietan hainbat ekintzaile gaztek kontatuko dute beraien esperientzia: Didac Lee, Unai Gonzalez, Lander Balza, Alex Txikon...
Xabier Isasi eta Idoia Torregarai: Gu ere, UEU
UEUk martxoan hasi zuen erakundea ezagutzera emateko kanpaina eta ekainean kaleratu dute laugarren eta azken bideoa. Bertan, Xabier Isasi unibertsitate-irakaslea eta Idoia Torregarai komunikazio-arduraduna UEUren sorrera eta egitekoari buruz ari dira.
Digipen Unibertsitateko ikasleek bi bideo-joko sortu dituzte: "Oniro" eta "Twisted"
"The Four Musketeers" eta “Armageddon Team” taldeek 2012/2013 ikasturtean zehar garatu dituzte bi jokoak. Jokoak jaisteko aukera ematen dute eta hauen berri facebook-en ere aurkitu dezakezu.
Ikasleen gehiengoak gainditu du unibertsitatera sartzeko hautaproba
UPV/EHUn azterketa 8.758 ikaslek egin dute eta UPNA/NUPen berriz 2.502k. Ezohiko deialdirako datak ere jakitera eman dituzte: Nafarroan ekainaren 26, 27 eta 28an eta EAEn uztailaren 3, 4 eta 5ean.
Ínsula aldizkari ospetsuak gaur egungo euskal literaturaren monografikoa jaso du: "Literatura vasca: Puertos Abiertos"
Aldizkarak 1998an egin zuen euskal literaturari buruzko lehenengo monografikoa eta maiatzeko zenbakian 2000. urtetik honako euskal literaturaren aurkezpena egiten du.
“Euskal Herrian gure hezkuntza eraiki! LOMCE ez! Inposaketei ez!” adierazpena egin dute gaur hainbat hezkuntza eragilek
Hainbat hezkuntza eragilek LOMCEa inola ere ez aplikatzeko eskatu diote alderdi politikoei, Nafarroako eta EAEko legebiltzar eta gobernuei. Bestetik, euskal gizarteari urriaren 12an Bilbora urreratzeko deia egin diote “Euskal Herrian gure hezkuntza eraiki! LOMCE ez! Inposaketei ez!” lemapean.
UPV/EHUko Ikasle Kontseiluaren arabera 1.000 ikasle inguru beka barik geratu ziren 2012/2013an
Euskal familien egoera ekonomikoak okerrera egin arren beka kopurua gutxitu egin da eta beka ukatzeek nabarmen egin dute gora.
Munduko erakusketarik onena Iruñean dago New York-eko core77 sarien arabera
Universidad de Navarran ikasitako Antonio Vaillo eta Juan Luis Irigarayk zuzentzen duten estudioaren erakusketa da saritua eta Iruñeko katedrala osatzen duten inguruetan gauzatzen da.
HUHEZIk Hezkuntza alorreko hainbat lanpostutarako deia egin du
Lanpostu deialdia hainbat alorretara zuzendutakoa da: Atzerriko hizkuntzaren didaktika (ahozkoa eta idatzizkoa), Heziketa Berezia, Haur Hezkuntza, Ikerketa metodoak, Didaktika orokorra, Giza eta gizarte zientzien didaktika, Diziplina Anitzeko Hezkuntza Artistikoa eta Informazio eta Komunikazio Teknologiak.
Kriminologia-zientzien arloan ikertzeko lehiaketa ikerlari gazteentzat
UPV/EHUko Kriminologiaren Euskal Institutuak deitu du sariketa eta kriminologiaren alorrean ikertu nahi duen 35 urtetik beherako ikerlariei dago zuzenduta.
Olatz Perez de Viñaspre: “SNOMED CTk, medikuntza alorreko sare semantikoak, milioi bat termino inguru barnebiltzen ditu, guztiak eskuz euskaratzea lan oso neketsua da”
Olatz Perez de Viñaspre Sistemen Informatikan Ingeniari Teknikoa eta Informatikan Ingeniaria da eta IXA taldeak eskaintzen dituen Karrera Bukaerako Proiektu bati esker eman zituen Lengoaia Naturalen Prozesamenduan lehenengo urratsak.
"Orthotomus chaktomuk" hegazti espezie berria aurkitu dute Kanbodian
Erregetxoaren tamainako hegaztia da, lumaje grisa duena, txano laranjatua eta papar beltza.
Euskal Klima Aldaketarako BC3 zentroa Europako zentrorik onena izendatu dute
Klima aldaketaren ekonomia eta politika arloan erreferenteak diren erakundeak saritu ditu ICCG (International Center for Climate Governance) zentroak eta Europa mailako irabazlea Bilboko BC3 zentroa izan da.
10-12 ordu jarraian eserita lan egitearen kalteak nola gutxitu ikertzen dabiltza
Lehenengo fasean 246 boluntariok parte hartu dute eta 19 astetan 10.000 pauso eman behar izan dituzte egunero. Ikerketa lau unibertsitate gauzatzen ari dira: Vigoko Unibertsitatea, Vic-eko Unibertsitatea, Ramón Llull Unibertsitatea eta UPV/EHU.
Surflariaren eta taularen arteko interakzioa ahalbidetzen duen aplikazioa garatu dute UPNA/NUPen
4 zentimetrotik beherako distantzian dauden gailuen arteko datuak trukatzeko ahalmena dauka eta baliagarria izan daiteke adibidez surflariak bere taula galtzen badu edo uretan istripu bat badauka.
Suitzako "Ecole Hoteliere de Lausanne" campuseko handitze lanetarako proposamena aurkeztuko dute Universidad de Navarrako ikasleek
Eskola, bere esparruko munduko eskolarik zaharrena eta ospetsuena da eta gauzatu nahi dituen zabalkuntza lanetarako munduko ikasleen lanak hartu nahi izan ditu kontuan. Horretarako 9 ikasle talde ari dira beraien proposamenak aurkezten.
Software librean oinarritutako plataforma darabilte unibertsitarioek alemana ikasteko
"The supermarket game" 3Dko jolasean oinarritzen da plataforma digitala eta adituen esanetan alemana ikasteko motibazioa nabari areagotzen da erreminta erabilita.
Hiru ikaslek mundua bizikletarekin zeharkatuko dute UPV/EHUko marka zabaltzeko
Ikasleek bidaian zehar bizitakoak "biziklautak" gunean jarraitzeko aukera egongo da.
Nola ikusten ditu euskal gizarteak zientzia eta teknologia?
"Nola ikusten ditu euskal gizarteak zientzia eta teknologia?" galderari erantzuna emango zaio asteazkenean Bilbon antolatu den mintegian. Zientzia eta teknologiari buruz euskal gizarteak duen iritzia jakin nahi duenari dago zuzenduta.
Erasmus+: ikasleentzako mugikortasun programa berria
Programa berriak ikasleek eskura zituzten orain arteko mugikortasun programak batuko ditu, besteak beste, Erasmus eta Leonardo Da Vinci.
Software librearen inguruko hiru biltzar hartuko ditu Bilbok uztailean
300 garatzaile baino gehiagok parte hartuko bertan eta UPV/EHUren Bizkaia Aretoan eta Ingeniaritza Goi Eskola Teknikoan ospatuko dira aldi berean.
Fabrikazio Ingeniaritzako Karrera Amaierako Proiektu onenaren saria MUko Mikel Carrascok jaso du
Mikrotornuaren karakterizazioan egindako lanagatik saritu dute Zaragozan ospatu den Fabrikazio Ingeniaritzako V. Nazioarteko Kongresuan.
"DBHko ikasleen euskararekiko jarrera linguistikoak, motibazioa eta errendimendu akademikoa" doktore-tesia aurkeztu du Urtzi Ruiz de Azuak
Irakasle lanetan zebilela kezkagarria iruditzen zitzaion gazte askok euskararekiko erakusten zuten jarrera eta motibazioa. Horrek eraginda alderdi kognitiboa, afektiboa eta jokabidezkoa uztartzen dituen galdetegia eratu du.
Matrikula 4 epetan ordaintzeko aukera izango dute UPNA/NUPeko ikasleek datorren ikasturtean
Orain arte ordainketa bi epetan egiteko aukera zuten eta 2013/2014an aplikatuko den neurri berriarekin ikasleei eta hauen familiei gradu, master eta lehengo zikloetako titulazioak ordaintzeko erraztasunak ematea lortu nahi da.
Felix Goñi katedradunak lipidoen arloko Europako ikerketa onenaren Avanti saria jasoko du
Ebaluazioaren esparruko mundu mailako 350 psikologo aditutik gora batuko dira Donostian
UPV/EHUren Donostiako Psikologia Fakultateak hartuko du nazioarteko biltzarra uztailaren 17tik 20ra.
Unibertsitateko titulazioen eskumen osoa Unibasq-ek izatea nahi du Eusko Jaurlaritzak
Espainiako Gobernuak Aneca eta Unibasq agentzien lanen bikoizketak ekiditeko Unibasq Euskal unibertsitate sistemaren kalitate agentzia desagerraraztea proposatu du. Jaurlaritzak ordea ez du horren alde egingo.
Matematikari Euskaldunen I. Topaketak ospatu ziren atzo Eibarren
24 herritako 40 matematikaritik gora batu ziren atzo Eibarren, Udako Ikastaroen 41. edizioaren baitan antolatu ziren topaketetan.
Mondragon Unibertsitateak eskuartean ditu Bilboko formazio zentro berriko giltzak
Bilbon kokatuko den zentroa 3 solairutan banatutako 5.900 metro karratuko eraikina da eta espezializatuta egongo da berrikuntzan eta ekintzailetasunean.
10 graduatutik bakarrak erabakitzen du lan-arrazoiengatik erkidegoa uztea
Azterlana burutzeko 2006, 2007 eta 2008an UPV/EHUn, Deustuko Unibertsitatean eta Mondragon Unibertsitatean ikasketak amaitu zituzten 20.981 graduaturi egin zaie galdeketa. Azterlana, Bizkaiko Foru Aldundiak bultzatu du.
Unibertsitatea.net oporretara doa irailerarte!
Irailera bitartean eguneratu gabe egongo dira Ziztu bizian albistegia eta Facebook eta @Uninet_ataria twitter kontuak. Hala ere, zuen esku geratzen dira Ikasleen txokoko iragarkiak, Otarreako apunteak, Blog komunitatea, Zer, non ikasi ikasketen bilatzailea...
Irati Iciar: “Egoera delikatuan aurkitzen da UEU, eta horregatik da pozgarria udako ikastaroetan izan ditugun emaitza onak”
UEUko 40+1 Udako Ikastaroak amaitu dira eta balorazioa positiboa egiten du UEUk, egoera zailaren aurrean jendearen parte hartzea eta lanerako gogoa oso handia izan delako. Iruñean izan dira azken ikastaroak Eibar eta Baionatik pasa ondoren, eta Irati Iciarrekin hitz egin dugu, udako ikastaroen antolatzailearekin.
Artikulu zientifikoetan egiten den erreferentzia kopurua handituz doa UPNA/NUPeko ikerketa baten arabera
1972tik 2013ra bitartean argitaratutako ingeniaritzaren esparruko 8 aldizkari esanguratsuenetako 70.000 artikulu oinarritzat hartuta egin da ikerketa.
Unibertsitateko ikasmaterialak sustatzeko diru-poltsen deialdia egin du UEUk
Edozeini zabalduta dagoen deialdia da baina bereziki baloratuko dira autore gazteen lan-proiektu indibidualak eta talde-proiektuetan autore gazteak integratzeko ahaleginak. Proiektuak irailaren 15etik urriaren 31ra aurkeztu behar dira.
Nerabezaroaurreko gazteek egiten duten Interneten eta sare sozialen erabilerari buruzko doktorego tesia egin du Itziar Irazabalek
11 urte inguruko neska-mutilen arteko hamarretik bat ezagutzen ez dituen lagun birtualekin erlazionatzen da, eta kasuen % 5,6tan hitzordu fisikoa egin dute ezezagunekin.
UPNA/NUPeko ikasle talde batek 44. postua lortu du "Google Online Marketing Challenge" lehiaketan
Lehiaketaren 5. edizioak 2.453 taldetan banatutako 84 herrialdetako ia 10.000 ikasle bildu ditu.
UEUk udazkenerako 10 ikastaro antolatu ditu, erdiak on line
Geogebra, ubuntu, moodle, jendaurreko komunikazioa... UEUk ireki du antolatutako udazkeneko ikastaroetan izena emateko epea.
Lantegi Batuak-ek eta Deustuko Unibertsitateak urritasuna duten pertsonentzako III. beka deialdia kaleratu dute
Deustuko Unibertsitatean ikasten ari diren ikasleei zuzenduta, urritasuna duten Ikasleentzako III. Beka Deialdia aurkeztu dute. Praktikak egiteko bekak dira eta horien helburua da urritasuna duten ikasle eta tituludunen enplegu aukerak gehitzea eta erraztea.
Natur Zientziak izango dira hizpide azaroan 9an eta 10ean Donostiako Eureka! Zientzia Museoan
Udako Euskal Unibertsitateko (UEU) Natur Zientzien sailak antolatuta, I. Natur Zientzien topaketa osatuko da 2013ko azaroaren 9an eta 10ean, Donostiako Eureka! Zientzia Museoan.
Garuneko tumoreak hobeto mugatzeko metodoa garatu du UPNA/NUPeko GIARA ikerketa taldeak
Medikuek tumore ehuna ehun osasuntsutik non bereizi behar den erabakitzen dutenerako da erabilgarria, izan ere, ikertzaileen algoritmoak aukerarik okerrena inoiz ez duela hautatuko bermatzen dio medikuari.
Universidad de Navarrak gehiegizko pisua duten 300 boluntario nafar behar ditu
Diabetesa prebenitzeko nazioarteko ikerketa bat aurrera eramatea da Universidad de Navarraren helburua.
Aurpegiko keinuen indarra agerian utzi du Universidad de Navarrak kaleratu duen bideo batek
Ikerketak gizonezkoek eta emakumezkoek besteen tristura edo mina desberdin bizi dutela erakutsi du.
UPNA/NUPeko ikasleek "Tesiak 3 minututan" lehiaketan parte hartzeko aukera dute
Lehiaketak ikasten ari diren ikertzaile berriek beraien tesiak, master amaierako lanak edo karrera amaierako proiektuak jendaurrean zabaltzeko gaitasuna saritzen du.
Achucarro Basque Center for Neuroscience zentroa saritu dute erakundeko langile ikertzaileen kudeaketan egindako lanagatik
Achucarrok ikerkuntzan benetako ibilbide profesionala sortzea eta hobetzea lortu nahi du eta era honetan nazioarteko estandarte bihurtzea eta ikerkuntza talentua erakartzea.
Egunean 569 gramo fruta eta barazki kontsumitzeak %10ean jaisten du heriotza-tasa
Emaitzen arabera egunero kontsumitzen den fruta eta barazki kopuruak eragin zuzena du heriotza-tasan.
Zientzia modu errazean gizarteratzeko "Naukas Bilbao 2013" ekimena bihar hasiko da Bilbon
Aurtengo edizioan 10 minutuko 40 hitzaldi antolatu dituzte. Honez gain, 6-12 urte bitarteko umeentzat "Naukas Kids" gunea sortu dute eta lau zientzialari famatu elkarrizketatuko dituzte.
UPNA/NUPeko liburutegiak Funts Historiko Digitala sortu du XVI. eta XIX. mendeen artean inprimatutako liburuekin
50 obrek osatzen dute Funts Historiko Digitala eta Antzinako Funtsaren lagin txiki bat baino ez da, Antzinako Funtsa 7.000 lanek osatzen baitute.
Euskal ikerlarien lanak gizarteratzeko lehiaketa twitterren: "Txiokatu zure tesia 6 mezutan"
Lehiaketa 2011/2013 urte bitartean tesia aurkeztutakoei edo tesia orain egiten dabiltzan ikerlariei dago zuzenduta eta sari bi banatuko dira: 500€ eta 300€koa.
Zientziaren grina gizarteratzeko "Passion for Knowledge - Quantum 13" gaur abiatu da
Ekintzen artean daude izen handiko zientzialarien hitzaldiak, "Naukas Quantum" hitzaldi laburrak eta ikerlari gazteek izen handiko adituekin aritzeko aukera izango duten"Nobel Pitch" tailer berezia.
Euskaraz idatzitako tesien bila dabil Tesiker
Inguma Euskal Komunitate Zientifikoaren datu-basearen arabera 1976tik hona 448 tesi idatzi dira euskaraz eta hauetatik 254 dira Tesiker egitasmora gehitu direnak.
Mekanika ingeniaritzako nazioarteko biltzarra ospatzen ari da Bilbon
Nazioarteko biltzarraren 2. edizioa da aurtengoa eta 75 aditutik gora batuko ditu Bizkaia Aretoan, Bilbon.
Energia berriztagarrien eta aldaketa klimatikoaren lege arauketari buruz arituko dira UPNA/NUPen
Nazioarteko biltzarra urriaren 23tik 25era ospatuko da eta izena emateko epea urriaren 18an bukatuko da.