25 euskal ikertzaile gazte elkarrizketatu ditugu 2021ean

25 dira 2021ean elkarrizketatu ditugun euskal ikertzaile gazteak. #txiotesia lehiaketako parte hartzaileak dira guztiek eta elkarrziketekin beraien ikerketetan gehiago sakondu nahi izan dugu.

25 ahots berri ezagutu ditugu, jakintza esparru desberdinetako 25 ikerlerro. Eskerrik asko guztioi!!

1. Iranzu Laura Guede: "Gizakien hezur eta hortzetan dugun konposizioarekin, hauen jatorri geografikoa lortu dezakegu"
2. Maialen Sebastian de la Cruz: "Endoskopia egitea ekiditeko metodo ez-inbaditzaile bat garatu nahi dugu"
3. Onintza Etxebeste Liras: "Baserriarena paradoxa da; balio komunen erreprodukzioa da, baina baita aldatzen doan organismo bizia ere"
4. Aitor Cevidanes Miranda: "Gizakien jarduerek basanimalien osasunean eta gaixotasunen ekologian inpaktu handia izan dezakete"
5. Alazne Irigoien Domínguez: "Genero estereotipo asko sexu-eraso eta genero indarkeriaren inguruan dauden ebazpenetan agertzen dira"
6. Ana Novoa: "Gizarte guztiek dituzte hilekoari buruzko aurreiritziak, sineskeriak eta honi lotutako ohiturak"
7. Oihane Mendizabal Sandonís: "Pirinioen mendebaldeko lurraldearen erromatarkuntza prozesua oso azalekoa zela uste zen duela hamarkada batzuk arte"
8. Aimar Santos Garcia: "Osasun krisiak hirietako mugikortasunaren gabeziak eta honekiko dependentzia azaleratu ditu"
9. Maite Luengo Aguirre: "Euskal testuinguruan, gero eta gehiago mintzatzen ari gara emakumeen gorputz-esperientzien inguruan"
10. Iera Hernández Unzueta: "Ocoxin konposatu naturala kimioterapia indartzeko erabilgarria izan daitekeela erakutsi dute lortutako emaitzek"
11. Martin Ladrón de Guevara: "Hiperluzaturiko arroen ikerketa pil-pilean dagoen gaia da; kontinenteen apurketa ulertzeko modu berritzaile bat aurkezten du"
12. Joanes Lameirinhas: "Adinekoen hauskortasun egoeran faktore psikologikoek eta sozialek izan dezaketen eragina aldarrikatu da azken hamarkadan"
13. Alaine Garmendia: "Inplikazio Altuko Lan Sistemen oinarria, antolakuntzaren maila ezberdinetan langileen partehartzea sustatzea eta ziurtatzea da"
14. Ainize Odriozola: "Espermatozoideetan akats kromosomikoak dituzten gizonezkoentzako lehen baliabide terapeutikoa sortu nahi dugu"
15. Aitziber Elejalde: "Neologismoak hizkuntzan egunero sortzen diren hitz berriak dira, batzuk espontaneoki sortzen dira eta beste batzuk planifikatuta"
16. Ander Reizabal: "Gure helburua zetaren multifuntzionaltasuna frogatzea izan da beti"
17. Oxel Azkarate: "Pertsona Kooperatiboaz ari garenean ikasleen edo pertsonen izateari buruz ari gara, besteekin elkarkidetzan jardun eta harreman positiboak eraikitzeari buruz"
18. Ioar de Guzman: "Kutsaduraren eragina ur erauzketarena baino handiagoa da gure erreketan"
19. Uxue Sanchez: "Iberiar Penintsulako Erdi Aro osteko eta Aro Modernoko zeramika ekoizpen zentro garrantzitsuenak ikertu nahi ditugu"
20. Yurena Polo: "Nerbio ehunak birsortzeko itxaropena dago, baina errealitate bihurtzeko oraindik urteak beharko ditugu"
21. Maria Dosil: "Indarkeria emozionala da lehenengo maitasun erlazioetan ematen den indarkeria mota ohikoena"
22. Julen Astigarraga: "Birsortzen ari diren basoen hazkuntzak azkarragoak dira baina klima aldaketaren eraginen aurrean zaurgarriagoak izan daitezke"
23. Lucía Gandarias: "Bakterio magnetotaktikoen aplikazioak aztertzen ditugu, minbiziaren aurkako terapiekin erlazionatutakoak batez ere"
24. Manu Araolaza: "Epigenetikaren azpian dauden mekanismoak aztertzea, ezagutzea eta hobeto ulertzea da gure helburu nagusia"
25. Jon Zabala: "Erritu kolektiboak pertsonen osasun psikologikoan positiboki eragiten duten fenomeno garrantzitsuak dira"

2022an ere euskal ikertzaile gazteei izen-abizenak jartzen eta beraien ikerketak plazaratzen jarraituko dugu.

Orain arteko elkarrizketak ikusgai dituzu hemen: Elkarrizketak.