IEB2018ra etorriko zara? Izena emateko epea ireki da!

Izen-ematea

  • Izen emate epea irekita dago
    maiatzaren 15era arte.
  • Doaneko jardunaldiak dira, baina bazkaria ordaindu beharko da (15€).
  • Jo ezazu UEUren webgunera matrikulatzeko.

Motibatzeko irakurri, irakurri ezazu Edurne Larrazak eta Olatz Arbelaitzek kontatu dutena: “Burujabetza prozesuetan teknologiak izan dezakeen garrantzia eta egin dezakeen ekarpena”

“Burujabetza prozesuetan teknologiak izan dezakeen garrantzia eta egin dezakeen ekarpena kontuan izanik, gai horri heltzea erabaki dugu”Beste arlo asko bezala, elikadura esate baterako, askotan, teknologia ere enpresa eta erakunde handi batzuen menpe dago. [...] Egon badaude ordea beste teknologia batzuk burujabe aritzeko aukerak ematen dutenak.”

Edo Alegria eta Agirreren a:

Burujabetza teknologikoa softwarearen eremuan “Kataluniako erreferendumean mundu mailako informatikako enpresa nagusiekiko mendekotasunak antolakuntza dezente zaildu zuen. Non/nola kokatu zerbitzuak? Zer egin internet-hornitzaile nagusi horiek erabilera eteten badizute?[...]

 

Programa, ordutegia (IEB2018)

08:30 – 09:00 Harrera eta izen ematea
09:00 – 09:15 Jardunaldien aurkezpena
09:20 – 12:45 Hitzaldi-saioa

09:20 – 10:10 Azpiegitura teknologikoak eta komunikazio burujabetza
Gorka Areitioaurtena Abaitua

Ermuko udaleko Informatika Teknikaria eta Ermuko Udal Zuntz
Optikozko Sare neutroaren (Fibermua) alderdi teknikoaren arduradun
Asier Garaialde

Izarkom telekomunikazio-operadore kooperatibaren bultzatzaile eta Airean
Telekomunikazioak S.Lko sortzaile eta kide

10:10 – 11:00 Hezkuntza teknologikoa eta teknologia hezkuntzan.
Sagra Crespo Zulet

Hezkuntzan ere librezale taldeko kide eta Donostiako berritzeguneko IKTprogramaren arduraduna
Galder Gonzalez Larrañaga

Euskal Wikilarien Kultura Elkarteko hezkuntza programako arduraduna


11:00 – 11:30  Atsedenaldia/kafea – Artizarraren probak


11:30 – 12:20 Segurtasuna eta pribatutasuna.
Iñaki Mora Lopez

Segurtasun Auditorea. S21Sec-eko Pentesting aditua.
Mikel Iturbe Urretxa

EuskalHack-eko kide eta Mondragon Unibertsitateko irakasle

12:20 – 13:10 Ezinbesteko softwarea herri eta herritar burujabeagoak izateko.
Arrate García Campos
Ibatuz-eko teknikaria. Partehartzeari buruzko prozesuak garatzen eta Paul Gurmendi Culla Tech For Society-ko Teknologia berrietako Aholkularia
Olatz Perez de Viñaspre Garralda
eta Iñaki Alegria Loinaz
UEUko partaide eta EHUko IXA taldeko ikerlariak

13:10 – 14:30 Aplikazio eta esperientzien saio paraleloak

14:30 – 16:40 Bazkari arina + saretze-guneak

14:30 – 16:15 Saretze-guneak
16:15 – 16:40 Etorkizunerako lerroak (5 minutuko aurkezpena gune bakoitzetik)

16:45 – 17:30 PuntCAT eta Kataluniako bozak

17:30—          III. Euskarazko Internet Eguna

Komunikazioak bidaltzeko deialdia (IEB2018)

Informatikari Euskaldunen XI. Bilkura (IEB2018)

Burujabetza teknologikoa

Donostia, 2018ko maiatzaren 17a

Komunikazio-deialdia

Informatikari Euskaldunen Bilkuraren XI. ediziora iritsi gara. Oraingoan, burujabetza teknologikoa hartu nahi genuke gaitzat.

Bilkura gune egokia iruditzen zaigu teknologiaren arloko burujabetzaren inguruko eztabaida sustatzeko. Arretaguneak askotarikoak dira. Jendarteak dituen erronka oinarrizkoenei heldu nahi diegu bereziki: zein komunikazio-azpiegitura behar diren, parte-hartze digitalerako tresnak, hezkuntza-sistemarako egokiak diren eduki eta teknologien planteamenduak, hizkuntza-industriarako estrategiak, garapen ekonomikoaren ereduari lotutako apustu teknologikoa, segurtasuna, pribatutasuna, arlo etikoak…

Informatikari euskaldunen bilkura izanik, gai horietaz ez ezik, informatikan euskaraz jarduteak berezko dituen bestelako gorabeherek ere izango dute lekua komunikazio-saioan. Ohi bezala, izandako esperientzien eta garatutako softwarearen berri ematea litzateke gure asmoa. Eta horretara dator, hain zuzen ere, komunikazio-deialdi hau.

Parte hartu nahi izanez gero, honako hau bidali behar da beheko helbidera:

  • Izenburua edo produktuaren izena.

  • Egileen izen-deiturak.

  • Orrialde beteko laburpen bat (PDF edo testu soila).

  • Harremanetarako helbidea, posta elektronikoa eta telefonoa.

Nora bidali

Ana Arruarte Lasa
Informatika Fakultatea
649 p.k., 20080 Donostia

Tel.: 943015065 Fax: 943015590
a.arruarte@ehu.eus

Egutegia

Laburpenak bidaltzeko azken eguna: 2018-02-14.
Egileei onarpena jakinaraziko zaie: 2018-02-21.

Zer dira informatikari euskaldunen bilkurak?

Hau da hamaikagarrena! 1996ean hasita, hamar aldiz antolatu dugu IEB bilkura hau UEUko Informatika Sailekoek. Hauek izan dira gai nagusiak:

Norentzat zuzendua? Informatikari (zentzu zabalenean hartuta) euskaldunentzat: softwaregile, erabiltzaile, ikasle, irakasle, teknikari eta abar.

Arrakastatsuak izan dira bilkurak:

  • Arrakastatsu bertan sortutako eztabaida eta gogoeta, dudarik gabe, eragile izan direlako geroago gure Euskal Herrian arlo horietan gertatu den garapenean.
  • Arrakastatsu parte-hartzearengatik ere bai, 250 pertsona biltzera iritsi baikara azken saioetan, informatikarekin lotura duten hainbat arlotatik etorrita: irakaskuntza, industria, administrazioa eta komunikabideak, nagusiki.
  • Eta arrakastatsu babesleen laguntzari esker ere, berrikuntza lantzen duen bilkura honek Miramon parkearen eskutik berrikuntzako sailetatik diru-laguntza lortu baitu Eusko Jaurlaritzan, SPRI Taldean, eta Gipuzkoako Foru Aldundian.

2018an ere arrakastatsua izatea espero dugu. Maiatzaren 17an egingo dugu.