Gasteizko gobernuak Espainiako Bankuko finantza erakundeen kontrolari buruzko eskumenak eskatu ditu[1].
Gernikako estatutuan daudela dio eta Bakongadei transferitzea ezin dela luzatu gehiagorik.
Gernikako estatutua[2]:
10. artikulua
Euskal Herriko Komunitate Autonomoak ondoko gaiei dagozkienean konpetentzia exklusiboa du:
26.-Kredito gorporatibo, publiko eta lurraldezkorako Erakundeak, eta Aurrezki Kutxak, Estatuak kredito eta bankaren ordenamenduaz ezarriko dituen oinarriak eta monetar politika orokorraren barrutia errespetatuz.
11. artikulua
2.-Euskadiko Komunitate Autonomoaren konpetentziapean dago, halaber, beraren barrutian, ondoko gaion oinarrien aurrerabide legislatiboa eta beronen betearaztea, beti ere beroriek seinalatzen dituzten mugen arauera:
a) Kredito, banka eta aseguroen antolaketa
Hau da, Espainiako Bankuak (Espainiako BZ-k) dauzkan zenbait eskumen Baskongadei dagozkie, legez.
Espainiako legearen menpe dagoen Gernikako Estatutuak bide dioenez, Espainiako BZ-k adar bat izan beharko luke Baskondadetan.
(Nafarroan, nola dago afera? Antzekoa ote?)
Horrela izan zein ez, Baskondadek eta Nafarroak zergak biltzeko eskumena daukatenez, Eurolandiarako Warren Mosler-en programa[3] aplikatuz, honelako euro banaketa egon liteke Euskal Herrian:
EBZ-tik Frantziara X euro joango lirateke eta Espainiara Y.
X euro haietatik, eta Iparraldeko biztanleriaren arabera, Baionako Merkataritza Ganbarari w euro dagozkio.
Y euro haietatik, Baskongadetako hiru Diputazioei, biztanleriaren arabera, z euro dagozkie, eta v euro Nafarroako Diputazioari, hots, nafar Gobernuari.
Modu horretan, hala Iparraldean nola Hegoaldean dirua egongo litzateke arlo publikoko betebeharrak eta beharrizanak betetzeko: w + z + v euro.
Hortaz, zertan ari gara?
[1] Ikus http://www.astekaridigitala.net/El_Gobierno_vasco_reclama_competencias_del_Banco_de_Espa_a_en_materia_de_control_de_entidades_financieras__n31357.aspx.
[3] Ikus
a) Warren Mosler-en proposamen dotorea, euroa erabiliz: https://www.unibertsitatea.net/blogak/heterodoxia/2012/05/21/warren-mosler-en-proposamenak.
b) Teklatuaren bidez…: https://www.unibertsitatea.net/blogak/heterodoxia/2013/06/20/teklatuaren-bidez.
c) Teklatuaren bidez…:
https://www.unibertsitatea.net/blogak/heterodoxia/2013/06/20/teklatuaren-bidez-eurolandian-ere/.