Dokumentuaren akzioak
Inguma, euskal komunitate-zientifikoaren datu-basearen webgunea berritu dute
Inguma, euskal komunitate zientifikoaren datu-baseak 20 urte betetzen ditu aurten. Ospakizun urtean murgilduta dabiltza eta webgunea eraberritzeko ere aprobetxatu dute.
Une honetan 11.835 egile, 43.541 dokumentu eta 16.609 artikuluren erreferentzia topatu ditzakegu bertan. Webgunean egindako berrikuntzekin, besteak beste, bilaketak egiteko modua errazten da, datu-basera igotako azken sarrerak ikusi daitezke, bilaketak inprimatzeko aukera ematen du eta hainbat estatistika eskuratu daitezke.
UEUren Mintegia blogean 20. urteurrenari lotutako elkarrizketak egiten ari dira:
- Karmele Artetxe: “Inguma tresna bat da eta zentzua du komunitatea badago”
- Iñaki Alegria: “Unibertsitate-sisteman Inguma onartua dago adierazle gisa”
- Xabier Arauzo: “Inguman bildutako lanen kalitatea nabarmendu nahi nuke”
- Uxune Martinez: “Goi-mailako produkzioan emakumeek egindako ekarpena agerira ekarri zuen Ingumak”
2000. urtean sortu zen Inguma. Proiektuaren helburua euskara batuaren arauak finkatzen hasi zirenetik gaur egunerainoko produkzio zientifiko-intelektual osoa jasotzea izan da eta gizartearen esku jartzea.