Txiokatu zure tesia 6 mezutan

Euskal ikertzaile gazteei zuzendutako Twitterreko lehiaketa da "Txiokatu zure tesia 6 mezutan" (#txiotesia). Sei txiotan eta euskaraz laburtu behar da tesia eta sari bi banatzen dira: "Txiolari ulergarriena" (500€) eta "Txiolari originalena" (300€). Euskal ikertzaileei izen-abizenak jartzea eta hauek egiten dituzten lanak gizarteratzea da helburu nagusia eta 180 ikertzailetik gora animatu dira erronkara orain arte antolatu diren 4 edizioetan.

Txiotesia-n parte hartzen duten ikertzaileen lana sakonago ezagutzeko elkarrizketak egiten ditugu. Hona hemen #txiotesia4-tik gaur arte egin ditugun elkarrizketak:

	Ainara Valencia (txiotesia3)	"Sustantzia estrogenikoek obozitoak sortzen dituzte korrokoi arren barrabiletan"
	Elena Lopez de Arana (txiotesia2)	"Haur eskoletan goiz eta arratsalde dauden umeek kortisol patroi aldaketa izan dezakete"
	Itziar Mujika (txiotesia3)	"Kosovoko emakume taldeek erresistentzia zibilean eta bakegintzan paper oso garrantzitsua izan dute"
	Juanmari Agirreurreta (txiotesia4)	"Nirea Sartreri buruz euskaraz egin den lehen doktore tesia da… Betoz hamaika ikerketa eta betoz euskaraz guztiak"
	Naima El Bani Altuna (txiotesia4)	"Twitter kontuari esker Artikoaren zatitxo bat Euskal Herrira eramatea lortu dudala uste dut"

#txiotesia4-ko irabazleak Naima El Bani Altuna geologoa eta Juanmari Agirreurreta filosofoa izan dira.

naima,juanmari

Txiolari originalena Naima El Bani Altuna (@Artikoan):

Naima, 25 urteko Bilbotarra da. Geologia ikasi zuen UPV/EHUn. Garai hartan hasi zen itsas mikrofosilak Debako estuarioan aztertzen. Gero Paleozeanografia masterra egin zuen Bordeleko Unibertsitatean eta Bizkaiko Golkoko foraminiferoak ikertzen hasi zen arren aukera suertatu eta Kanadara joan zen Artikoko foraminiferoak ikertzera. Handik gero Norvegiara, Tromsøra, eta hor dabil bere tesia egiten. Handik bidali dizkigu hitz batzuk.

Ikusi hemen txio irabazleak: Ipar Altantikoan eta Artikoan iraganeko itsas-hondoko korronteen tenperaturaren azterketa foraminifero bentonikoak erabiliz.

Txiolari ulergarriena Juanmari Agirreurreta (@Larrazken):

Juanmari, Aretxabaletan bizi den Pasai Donibanetarra da (1977). Euskal Filologiako ikasketak egin zituen UPV/EHUn eta 2017tik doktorea da Filosofian. Hainbat itzulpen lan argitaratu ditu eta lanbidez franrses irakaslea da Derrigorrezko Bigarren Hezkuntzan.

Juanmarik ere esker oneko hitzak erakutsi zituen eta eskerrak eman zizkion UEUri eta Unibertsitatea.net atariari euskarazko ikerketa sustatzeagatik.

Ikusi hemen txio irabazleak: Fikzioa J.-P. Sartreren diskurtso teorikoan.

"Txiokatu zure tesia 6 mezutan" lehiaketako parte hartzaileen txioak bilduta ikusi ditzakezu hemen:

#txiotesia4

#txiotesia1: txioak

2013ko azaroaren 19an ospatu zen "Txiokatu zure tesia 6 mezutan" lehiaketaren 1. edizioa (#txiotesia). 2011/2013 urte bitartean tesia aurkeztutako ikertzaileei eta tesia egiten zebiltzanei zuzenduta zegoen. 86 euskal ikertzailek hartu zuten parte. "Txiolari ulergarriena" Estitxu Garai Artetxe gordexolatarra izan zen eta "Txiolari originalena" Itxaro Perez Urzelai beasaindarra.

Gehiago irakurri

#txiotesia2: txioak

2014ko azaroaren 18an ospatu da "Txiokatu zure tesia 6 mezutan" lehiaketaren 2. edizioa. 2011/2014 bitartean tesia aurkeztutako ikertzaileei eta tesia egiten dabiltzanei zuzenduta egon da. 46 ikertzailek hartu dute parte. Itziar Gonzalez-Dios izan zen "Txiolari ulergarriena" eta Eneko Bidegain "Txiolari originalena"

Gehiago irakurri

#txiotesia3: txioak

2016ko azaroaren 22an ospatu da "Txiokatu zure tesia 6 mezutan" lehiaketaren 3. edizioa. 2013/2016 bitartean tesia aurkeztutako ikertzaileei eta tesia egiten dabiltzanei zuzenduta egon da. 52 ikertzailek hartu dute parte. Uxoa Iñurrieta izan zan "txiolari ulergarriena" eta Iraia Muñoa "txiolari originalena"

Gehiago irakurri

#txiotesia4: txioak

2018ko azaroak 20. "Txiokatu zure tesia 6 mezutan" lehiaketaren 4. edizioa. Atal honetan parte hartzaileen txioak dituzu.

Gehiago irakurri