Hizkuntzaren Prozesamendua ikasgaiko praktika ikusgarri bat

uztarria11
Uztarria aldizkarian kirolen atalean gehien azaldu diren pertsonak.

Informatika Ingeniaritzako Hizkuntzaren Prozesamendua ikasgaian (HP) aurtengo ikasleek hainbat lan praktiko interesgarri garatu dituzte. Horien artean, Pello Arrue ikasleak Uztarria Azpeitiko aldizkaria aztertu du. 2001tik 2017ra arteko artikulu guztiak (17.034) batu ditu eta bi ikuspuntutatik aztertu ditu. Alde batetik, agertzen diren entitate izendun guztiak erauzi ditu (pertsonak, tokiak, erakundeak…). Eta bestetik, aurkitutako entitateak aldizkariaren gaien arabera sailkatu ditu. Hau da, IXA taldeak sortu duen Ixa-pipes tresna erabili du hasieran testu horiek masiboki analizatzeko, eta gero kontatu ditu entitate izendun bakoitzaren errepikapenak aldizkariko sail bakoitzean.
Esate baterako, irudian 16 urteotan gehien aipatu diren kirolariak ikus daitezke http://www.estadistikakazpeitia.pe.hu/perKirolak.php
Beste kontsulta batzuk egin ditzakezu. Saia zaitez!

LAN BIKAINA, PELLO!


Hizkuntzaren Prozesamendua ikasgaiaren helburu nagusia giza-lengoaiak (hizkuntzak) ordenagailu bidez tratatzeko dauden teknikak eta aplikazioak ezagutzea eta aplikatzea da. Hizkuntz industrien barruan kokatzen diren aplikazioen artean honakoak sartzen dira: Testuen edizioa, Informazioa bilatzea, informazioa erauztea, ezagutzaren kudeaketa, itzulpen automatikoa, lengoaia naturaleko interfazeak edo ahozko hizkuntzaren tratamendua.

Iruzkinak (1)

Utzi erantzuna

Zure e-posta helbidea ez da argitaratuko. Beharrezko eremuak * markatuta daude