Ikus ondoko link hauek:
i) Euskal Herria independentziaranzko bidean
ii) Euskal Herria independentziaranzko bidean (segida)
iii) Euskal Herria independentziaranzko bidean (segida-2)
https://www.unibertsitatea.net/blogak/heterodoxia/2013/11/08/euskal-herria-independentziaranzko-bidean-segida-2/
iv) Euskal Herria independentziaranzko bidean (segida-3)
https://www.unibertsitatea.net/blogak/
heterodoxia/2013/12/29/euskal-herria-independentziaranzko-bidean-segida-3/
v) Moneta propioa eta bankugintza
https://www.unibertsitatea.net/blogak/heterodoxia/2015/03/20/moneta-propioa-eta-bankugintza/
vi) Euskal Herria independentziaranzko bidean: moneta propioa
vii) Euskal Herria independentziaranzko bidean (20)
ix) Euskal Herria independentziaranzko bidean (21)
x) Euskal Herria independentziaranzko bidean (22)
Segida:
«Euskal estatua zehazten hasiz sortuko ditugu gehiengoak»1
…, nola lan egin?
Euskal estatua imajinatzen eta zehazten hasi behar dugu. Nonbaitera abiatzeko, jendeak jakin behar du helmuga zer den, han zer dagoen. Zehazten badugu, orduan ekingo genioke indar metaketari, gehiengoak sortzeari. Izan ere, independente izateko arrazoiak ez dira soilik identitarioak; sozialak, ekonomikoak eta demokratikoak ere badira. Bereziki gazteei esaten diegu imajinatzeko Euskal Herri independente bat. Gaurko egoeran haien etorkizuna nora ezean dago.
(…)
Nola artikula daiteke gizartea?
Aurrerapauso batzuk sortu direla ezin da ukatu, batez ere estatus politikoa definitzean. Hau da, independentzia aipatzean, esaten dugu euskal estatu bat behar dela; eta estatu horrek errepublika bat izan behar duela. Aurrerapauso bat da hori. Bestetik, alderdi politikoen eremutik plaza publikora pasatu da gaia, gizartean dago, eta horrek ere ahalbidetzen ditu gauza batzuk. Eta beste aurrerapauso bat da lortzeko moduko helburua dela independentzia. Hara iristeko, euskal gizartearen gehiengoa erabakitzeko eskubidearen alde posizionatzen ari da. Beraz, egundoko aurrerapausoak gertatu dira independentziaren alde. Baina bide hori artikulatzen hastean ditugu arazo handiak hemen.
Estatu propioaren aldeko olatu bat bada orain Europan. Duela mende laurden bat ere bai, eta orduan ere izan zen independentziaren aldeko mugimendurik Euskal Herrian.
Ordukoaren aldean orain garai berri batzuk zabaldu dira Euskal Herrian. Gatazka armatuak lehen, nola edo hala, elkarlan aukerak blokeatzen zituen. Hori gaindituta dago, baina sigla desberdinak kontu taktikoetan dabiltza, eta hauteskundeei begira ere bai etengabe, bozetakoa zilegi den lehia den arren. Independentziaren liburua lantzen ibili beharko genuke, eta ez gabiltza. Denbora galtzen ari gara.
(…)
Eremu abertzalean ere egin behar al da independentismoaren aldeko lana?
Bai. Besteak beste, aurreko mendearen bukaera aldera sartu zizkiguten beldurrak uxatzeko: Euskal Herria bezalako herrialde txiki batek ez lukeela etorkizunik estatua balitz, independentziarekin azak jan beharko ditugula… Halako gezurrak jendeak oso barneratuak ditu, eta buelta eman behar zaio horri, argudioekin. Eta bat oso agerikoa da: azkeneko mende laurdenean estatu ugari sortu da Europan bertan, eta haietako asko eta asko gurearen tankerako herrialdeak dira.
Iaz independentzia galdeketak egin ziren Euskal Herrian: Etxarri Aranatzen eta Arrankudiagan. Gehiago egitearen alde al da Independentistak sarea?
Bi haiek momentukoak izan ziren. Ez dakit gehiago izango diren. Gure Esku Dago-ren giza kate arrakastatsuaren ondoren, han dabilen jende batek urrats berriak nahi ditu, eta urrats bat litzateke erababakitzeko eskubidearen ariketa demokratikoak egitea; galdeketak, adibidez.
(…)
Independentismoak pizgarriak behar al ditu?
XXI. mendeko independentismoaren gakoak landu eta gizarteratu behar dira. Horrez gain, jendeari ilusioa ere sorrarazi behar zaio, eta parte hartzen duenean ilusionatzen da jendea. Galdeketa batek tokian-tokian parte hartze handia eskatzen du, eta izan daitezke ilusio pizgarri prozesu baterako. Bide batez, beste blokeo batzuk askatzeko, agian.
(Segituko du)
