Trinitate saindua: % 3a

Eurolandiaz berriz ere.

Esanak:

Jose Manuel Barroso Europako Komisioko presidenteak 2013ko urtarrilean: “euroaren aurkako arrisku existentziala alboratu da.”

2013ko apirilean: “EBn krisiaren okerrena gainditu da.”

Maiatzaren 15ean ere gauza bertsua aipatu zuen[1].

Izanak:

EBko hurrengo estatu kideak atzerapen ofizialean daude orain: Txekiar errepublika, Grezia, Espainia, Frantzia, Italia, Zipre, Austria, Portugal, Finlandia, Herbehereak.

Egonkortasun eta Hazkunde Ituna:

Jakina denez, EBko estatu kideek aurrekontu-defizit ‘gehiegi’ baztertu behar dute.

Egonkortasun eta Hazkunde Ituna (ingelesezko Stability and Growth Pact, SGP) dela eta, adostu dute bi irizpideri eustea: defizit/BPGren ratio %3a izatea eta zorra/BPGren ratio %60a izatea.

Le Parisien-eko artikulu batean, L’incroyable histoire de la naissance des 3% de deficit izenekoan, zertxobait azaldu zen[2] :

“Ce haut fonctionnaire, Guy Abeille, l’avoue aujourd’hui : les 3 %, inventés en une heure un soir de juin 1981, ne reposaient sur aucune théorie économique mais, pour cette raison sans doute, il convint parfaitement à François Mitterrand, qui avait exigé, pour faire barrage à ses ministres trop dépensiers, un chiffre rond et facile à retenir.”

Zergatik zifra hori? Zer dela eta %3a? Zergatik defizit publikoa ezin da %3 baino handiagoa izan?

Ondoko txostenean[3] ere zerbait aipatu zen.

Izan ere, Guy Abeille-k honela erantzun zuen %3 arauaz galdetu zitzaionean:

“We came up with the 3% figure in less than an hour. It was a back of an envelope calculation, without any theoretical reflection. Mitterrand needed an easy rule that he could deploy in his discussions with ministers who kept coming into his office to demand money … We needed something simple. 3%? It was a good number that had stood the test of time, somewhat reminiscent of the Trinity.”

Zifra onartu zen ordu bete baino lehenago, ez zegoen, horretarako, inongo oinarri teorikorik. Mitterrand-ek arau erraz bat behar zuen. Zertxobait behar zen, soila. %3a? Zifra ona zen, Trinitatea gogoratzen duen zerbait.

Hortaz, Trinitatea, erlijioa!

Hau dun/duk hau! Sinestezina!

Mitchell-ek dioenez, Egonkortasun eta Hazkunde Ituneko arau horiek zifra arbitrarioak dira, fartsa oso baten  emaitzak, gobernuaren ahalmena murrizteko.