2008an: Iñaki O’shea-ri
“Iñaki, enegarren aldiz sartu haute gartzelan, enegarren aldiz errudun izan gabe.
Hor hagoen bitartean, idatz ezak hire gela makabroan gure Kandikok idatzi zuena, Platon-ek Akademian idatzi zuen antzera. Hauxe: «Hemen sartzen dena Euskadin da./ Euskalduna bazara, hitz egin euskaraz./ Abertzalea bazara, deiadar ezazu nirekin:/ Gora Euskadi askatuta» (Kandido Saseta Etxeberria, Marokon).
Har ezak besarkada handi eta bero bat.”
2009an: Poesia Egunak: Ean seigarrenez
“…Azken bietan Karmelo Landak kale egin digu. Ez berak nahi duelako. Behartuta eta bahituta egon baitago «España, Una, Grande y Libre y Super Democrática» hartan.
Karmelo gogoratuz, faxismoaren aurka borrokatu zen Saseta komandanteak, kanpaina-dendaren sarreran idatzita zeukana gogorarazi nahi diot atzerrian dagoen Eakoari, bera «urpekaritza intelektualean» aritzen den bitartean:
«Hemen sartzen dena Euskadin da./ Euskalduna bazara, hitz egin euskaraz./ Abertzalea bazara, deiadar ezazu nirekin:/ Gora Euskadi askatuta!» (Kandido Saseta Etxeberria, Marokon).
(…)
Gehigarria:
2017an: SASETAREN IKURRINA ALTXATU DA BERRIZ HONDARRIBIAN
“… 1936aren aurretik Ceutan Intendentziako kapitain zebilela, bere dendako atean paratua zuen idatzia: «Emen sartzen dana, Euzkadin da. Euzkalduna bazera, mintzatu euzkeraz. Eta abertzalea bazera, deadar zazu nerekin: Gora Euzkadi askatuta!»
“… Arantxa Saseta ilobak bidalitako mezuan: «Bere memoria eta giza baloreak arlo akademikotik jorratzea eta irakastea eskertuko genuke. Oroitarazteko pertsona bat izateaz gain, gure herriaren Historiarako pertsona izan beharko litzateke Kandido Saseta komandantea».”
Aspaldiko Arantxa:
Blog hau Udako Euskal Unibertsitatea delakoari dagokio. Hortaz, aipamen txikia bada ere, hemen duzu zeure osaba zenaren unibertsitate-gomuta txikia. Har ezazu besarkada handi bat.
joseba says:
Desmemoria borrokatzeko orrialdeak