Mugazgaindiko talde proiektu honek lapiko zolan itsatsitako itxaropen gordeak inarrosi dizkit ;
euskaraz lan egiteko eta gozatzeko parada berriz piztu;
errealitate hotza emeki-emeki, epeldu, pil-pil jarri;
elkarlanaren tela altxatu;
etorkizun bero-bero eta ahogozo baten aurre-gustua eskaini.
Azkenburukoa dastatzeko orduan,
lehen koilara milikatzeko momentuan,
UEUko gozozale atseginekin mahai inguruan esertzeko irrikan nago.
Aines Haristoy / Irudia: Kirti Poddar