Anfibioen egoera aztergai Udako Ikastaroetan

Aranzadi Zientzia Elkartekoek antolatuta Euskal Herriko anfibioei buruzko ikastaroa hasi da Iruñean. Anfibio hauek gero eta sakabanatuago bizi dira, batez ere gero eta putzu gutxiago dutelako, eta euren habitata gizakiaren esku-hartzearekin txikituz joan delako. Anfibioak ikusteko arorik onena ez dela aipatu digute antolatzaileek, baina hiru irteera egingo dituzte euren bila. Iruñeko Gotorlekuan, Ultzaman eta Urbasan izango dira anfibioen nondik norakoak gertutik ezagutzeko.