1996. urtean hasita, bederatzi aldiz antolatu dugu IEB bilkura hau UEUko Informatika Sailekoek. Edizio horietako gai nagusiak hauek izan dira:
- Euskarazko softwarea gaur egun (1996)
- Euskara eta Internet (1998)
- Informatikaren irakaskuntza eta informatika irakaskuntzan (2001)
- Informatikaria gizarte elektronikoan (2003)
- Softwaregintzaren erronka berriak (2005)
- Web 2.0 hemen (2007)
- Teknologia berriak, gaur eta bihar (2009)
- Gizarte sareak (2011) (bloga)
- Telefonoak eta informatika (2013) (bloga)
Norentzat zuzendua? Informatikari (zentzu zabalenean hartuta) euskaldunentzat: softwaregile, erabiltzaile, ikasle, irakasle, teknikari eta abar.
Emaitzak arrakastatsuak izan dira aurreko saioetan:
- Arrakastatsu bertan sortutako eztabaida eta gogoeta, dudarik gabe, eragile izan direlako geroago gure Euskal Herrian arlo horietan gertatu den garapenean.
- Arrakastatsu parte-hartzearengatik ere bai, 250 pertsona biltzera iritsi baikara azken saioetan, informatikarekin lotura duten hainbat arlotatik etorrita: irakaskuntza, industria, administrazioa eta komunikabideak, nagusiki.
- Eta arrakastatsu babesleen laguntzari esker ere, berrikuntza lantzen duen bilkura honek Miramon parkearen eskutik berrikuntzako sailetatik diru-laguntza lortu baitu Eusko Jaurlaritzan, SPRI Taldean, eta Gipuzkoako Foru Aldundian.
Aurten ere arrakastatsua izatea espero dugu. Azaroaren 12an egingo dugu.
