Dokumentuaren akzioak
Hizkuntzalari Euskaldunen V. Topaketan komunikazioak aurkezteko epea ireki da
2021/04/28 - Unibertsitatea.net
Topaketa uztailaren 2an egingo da Eibarren. Komunikazioen laburpenak maiatzaren 14rako aurkeztu behar dira.
(Irudia: Pixabay Lizentzia. Iturria: Pixabay)
Hizkuntzalari Euskaldunen V. Topaketa antolatu du uztailaren 2an UEUren Hizkuntzalaritza Sailak. Aurtengo edizioa euskararen azterketa sinkronikoari eskainiko diote eta fonologia, sintaxia, bariazionismoa, semantika, dialektologia, edota psikohizkuntzalaritza bezalako gaiak landuko dituzte.
Euskararen azterketa sinkronikoaren alorreko ikertzaileen topaleku izan nahi du Eibarko jardunaldiak eta orain, topaketan komunikazioak aurkezteko deialdia ireki berri da. Laburpenak bidaltzeko azken eguna maiatzaren 14a izango da.
Parte hartzeko xehetasun guztiak hemen dituzu: UEU365.