Dokumentuaren akzioak
Badugu #txiotesia5 lehiaketako epaimahaia
2020/11/05 - Unibertsitatea.net
Azaroaren 17an egingo da Txiotesia5 lehiaketa. Irabazleen izen-abizenak berriz, azaroaren 26an jakinaraziko ditugu.
Azaroaren 17an egingo da "Txiokatu zure tesia 6 mezutan" lehiaketa: #txiotesia5. Ikertzaile euskaldunak biltzeko aukera paregabea izango da eta ezkutuan geratzen den lan guzti hori kaleratzeko plaza.
Tesia egiten ari diren ikertzaileei edo 2017/2020 urte bitartean egin dutenei zuzenduta dago eta sari bi banatuko ditugu: Txiolari ulergarriena (500€) eta Txiolari originalena (300€). Parte hartzeko informazio guztia hemen duzu: Txiotesia5.
Dagoeneko zehaztu dugu bi irabazleak izendatuko dituen epaimahaia. Hauxe txioherrian duten beraien aurkezpena:
- Rakel Gamito, @rakelgamito: *IKTak + Hezkuntza* formulaz maiteminduta // Burua erabili arren, bihotzarekin lan egiten dut beti // EHU // IkHezi // UEUkide
- Iñaki Sanz-Azkue, @sanz_azkue: Biologoa. Irakaslea. @aranzadi-ko kidea.@argia-ko, @Gaur_8-ko eta @KronikaEus-eko kolaboratzailea. Natura, hezkuntza eta ohitura zaharrak.
- Itziar Garate, @galoitz: Zarautzetik (berriz) Bilbora doan euskalduna. Lurretik Artizarrera doan astrofisikaria.
- Goio Arana, @goioarana: Fax bidez, beti hobeto.
- Libe Mimenza, @libemimenza: (Transmedia) ikerketa-ekintzan eta @behategia-n dabilen #ikertzailea #kazetaria #komunikatzailea / Researcher at @NORikertaldea
Azaroaren 26an emango dugu irabazleen berri, Bilbon, BIRA kultur gunean egitekoak garen sari banaketa ekitaldian.