Nafarroako Bertsozale Elkarteak bertsolaritza irakasle bat behar du

Nafarroako Bertsozale Elkarteak bertsolaritza irakasle bat behar du, Sakanako ikastetxeetan eta Bertso Eskoletan eta Lekunberriko zein Beteluko ikastetxeetan aritzeko.

Eskaintzen da:
- Lanaldi erdiko kontratua. Ordutegi moldagarria.
- 2022ko irailaren 1ean hastekoa.
- Lan lekua: Sakanako Ikastetxe eta Bertso Eskoletan, eta Lekunberriko zein Beteluko ikastetxeetan.
- Urtean 15.822,82 euroko soldata gordina

Eskatzen da:
- Unibertsitateko lizentziatura, diplomatura edo gradu titulua izatea.
- Bertsogintzan eskarmentua izatea; bertsolaritza eta euskal kultura ongi ezagutzea.
- Euskara maila altua izatea (EGA titulua edo balioduna).
- Gidatzeko baimena eta autoa izatea.

Baloratuko da:
- Sakanako/Larraungo eskualdearen ezagutza.
- Haur eta gazteekin didaktika alorrean aritu izana.
- Bertsozale Elkartearen proiektuaren eta jardunaren ezagutza.
- Kudeaketarako eta bulego lanetarako gaitasuna.
- Izaera planifikatua, ordenatua, ekintzailea eta dinamikoa izatea.

Interesa duenak Curriculum Vitae-a eta motibazio gutunak bidali behar ditu Nafarroako Bertsozale Elkartera (nafarroa@bertsozale.eus), 2022ko ekainaren 13ra bitarteko epean (barne). Informazio gehiago behar izanez gero, idatzi mezu bat helbide horretara edota deitu: (+34) 948 14 37 47

Info + : Nafarroako Bertsozale Elkartea

Iragarkia jarri duenarekin harremanetan jartzeko bete formulario hau