Kutxa Ekoguneko Ingurumen Hezkuntzako Arduraduna

Lanpostuaren deskribapena eta perfila Kutxa Ekogunea etorkizun jasangarriago bat lortzeko makina bat ideia proposatzen dituen parkea da. Kutxa Fundazioak bultzatuta, bere misioa kontzientziaziotik ekintzara igarotzeko bidea erraztea da hezkuntza, aisia eta berrikuntzaren bitartez. Aldi berean, herri eta eskualdeetan aliantza bidezko proiektuak sustatzen ditu beste erakundeekin batera jasangarritasunaren sarea josiz. Ardurak eta eginkizunak: INGURUMEN HEZKUNTZAKO PROGRAMA- Estrategia desberdinetako arduradunekin Ingurumen Hezkuntza eskaintza definitu (0-18 urtekoentzat) eta eskaintza hau gauzatzeko prozesuak proposatu. Eduki berriak hezkuntzarako baliabide bihurtu, hezkuntza programa osatu, garatu, eta ebaluatu, bai diseinu fasean eta exekuzio fasean; eta helburu hau lortzeko behar diren materialak sortu edo lortu. Hezitzaileen taldea kudeatu (formazioa, ebaluaketa, ...), behar denean hezitzaile lanetan lagundu eta programaren kalitatea eta berrikuntza sustatu. Hezkuntza formala zein aisiarekin lotutakoaren aurrekontuak kudeatu. PARKEAREN DISEINUA- Ingurumen hezkuntzarekin lotutako edukien diseinua eta planifikazio lanak egin, garapenean eta exekuzioan lagundu, eta jarraipena egin. Edukiak hezkuntzarako baliabide bihurtzen lagundu eta haur eta familien ikuspuntutik beharrak asetzen lagundu. KOMUNIKAZIOA- Ingurumen Hezkuntzarekin lotutako marketin eta komunikazio teknikariekin elkar lana egin. KUTXA FUNDAZIOA- Kutxa Fundazioaren aterkipean dauden hezkuntzako beste proiektuekin eta pertsonalarekin harreman izan eta elkarlana egin. Hautagai izateko baldintzak: 1.Hezkuntzako alorreko titulu ofizial bat izatea oinarrizko ingurumen jakintzarekin osatua. Baloratuko dira ere ingurumen zientziatan edo biologian lizentziatua edo graduatua izatea, hezkuntza alorreko jakintzarekin osatua. 2. Ingurumen hezkuntzan, hezkuntza formalean edo denbora librean gutxienez urte bateko lan esperientzia izatea. 3.Ibilgailuak gidatzeko B motatako baimena izatea. 4.Euskarazko C1, EGA edo baliokidea izatea. 5. Ingeleseko ulermena bermatuta izatea. 6. Ingurumen eta jasangarritasun gaietan sentsibilizatuta egotea (kontsumo ohiturak, hondakinen kudeaketan, arlo horretan formazioa izatea, afizioetan natura, ...). 7. Asteburu batzuetan lan egiteko disponibilitatea Hautagaiaren perfila: 1. Autonomoa eta lan desberdinetara egokitzeko ahalmena. 2. Haur eta gazteekin lana egiteko pazientzia eta jarrera positiboa. 3. Sortzaile eta berritzailea izatea. 4. Diziplina ezberdineko lantaldean aritzeko gaitasuna. 5. Plangintzarako eta egoera berriei moldatzeko gaitasuna. Tfnoa. 943 55 20 20 | www.ekogunea.eus

Iragarkian moldaketak egin