Euskal Herriko Bertsozale Elkarteak lan prozesuen eta pertsonen kudeaketarako eragilea behar du

Euskal Herriko Bertsozale Elkarteak lan prozesuen eta pertsonen kudeaketarako eragilea behar du.

Eskatzen da

• Bertsolaritzaren eta Bertsozale Elkartearen ezagutza ahalik eta sakonena
• Kultur mugimenduen, euskalgintzaren eta herri mugimenduen ezagutza zabala
• Elkartegintzarako jarrera berritzailea eta kontzientzia
• Genero ikuspegia
• Ikuspegi estrategikorako gaitasuna
• Taldean aritzeko eta dinamizatzeko gaitasuna eta esperientzia
• Erabakitzeko eta kudeatzeko gaitasuna eta esperientzia
• Bulego nagusia Villabonan izan arren, elkartearen gainontzeko bulegoetan ere lan egitea
• Garraio-bitarteko propioa

Kontutan hartuko da

• Lanpostuari balio erantsi bat ematen dioten ikasketak edukitzea
• Epe ertain-luzeko EHBEren egitasmoan aritzeko motibazioa
• Profesionalki eta pertsonalki garatzeko motibazioa
• Erraztatzaile lanetan esperientzia 
• Komunikazio gaitasuna
• Frantsesez eta gaztelaniaz aritzeko gaitasuna eta bestelako hizkuntzen ezagutza
• Finantzen kudeaketaren eta administrazio lanaren ezagutza
• Jendetasuna

Eskaintzen da

• Mugimendu bizi, indartsu eta interesgarri bateko kide aktibo izateko aukera
• Egun osoko lan kontratua; 6 hilabetetako probaldia izango du
• Hasteko aurreikusitako data: 2023ko otsaila

Interesatuok bidali Curriculum Vitaea eta motibazio gutuna urtarrilaren 20ra arte (egun hori barne) ondorengo helbideetara:

• Euskal Herriko Bertsozale Elkartea. Subijana Etxea. Kale Nagusia, 70. 20150 Amasa-Villabona (Gipuzkoa)
• zuzendaritza@bertsozale.eus

Informazio gehiago behar izanez gero, idatzi mezu bat aipatutako helbide elektronikora edo deitu +34 943 694129 telefono zenbakira.

Iturria: Euskal Herriko Bertsozale Elkartea

Iragarkia jarri duenarekin harremanetan jartzeko bete formulario hau