Dokumentuaren akzioak
Zortzi beka London School of Economics-en espezializazio-ikasketak egiteko
Bizkaiko Foru AldundiakĀ London School of Economics and Political Science zentroan espezializazio-ikasketak egiteko gazteei zuzendutako zortzi beka eskaintzen ditu.
Espezializazio-ikasketak egiteko bekak unibertsitateko lizentziatu edo graduatu maila duten gazteei zuzenduta daude eta gehienez hiru hilabeteko iraupena izango dute, 2019ko urritik abendura.
Beka eskaera egiteko nahitaezkoa da ingeleseko goi maila egiaztatzea eta eskabidea aurkezteko epea amaitzean gehienez 32 urte izatea. Honez gain, Europar Batasuneko estatu kide bateko naziotasuna eduki behar da eta 2014ko uztailetik gutxienez Bizkaiko Lurralde Historikoko udalerriren batean erroldatuta egon behar da. Hala ere, ikasketa guztiak Bizkaiko Lurralde Historikoan dauden unibertsitate edo fakultateetan egin dituztenen eskariak ere onartuko dituzte.
Beka deialdia maiatzaren 17an argitaratu zen Bizkaiko Aldizkari Ofizialean eta 20 egun balioduneko epea dago eskabideak egiteko. Hona hemen DEIALDIA.