Dokumentuaren akzioak
Hamabi ikastaro antolatu ditu UEUk Eibarren eta Iruñean udaberrirako
2014/02/26 - Unibertsitatea.net
Online ikastaroen aldeko apustua egin du, eta, era horretan, teknologia berriak eta irakaskuntza metodo berriak uztartuko ditu.
Udaberriko ikastaroetan izena emateko epea zabaldu du UEUk. Orotara, hamabi ikastaro antolatu ditu eta interesa duen edonori bideratutakoak dira. Eskaintzarekin, Eibarko eta Debabarrenako "erreferentzia akademikoa" izatea lortu nahi du.
Online irakaskuntzaren aldeko apustua egin du aurkeztutako eskaintzarekin eta, guztira, lau eskainiko ditu:
- Moodle 2.3-ren erabilera aurreratua.
- Nola sortu nire PLEa, ikasteko ingurune pertsonala (Personal Learngin Enviroment)
- Euskal Herriko oroimen historikoa.
- Probatu zure euskara-maila eta probatuz trebatu.
Hauez gain, beste zortzi ikastaro eskainiko dira, sei Eibarren eta bi Iruñean:
Eibarren:
- Argazki-kontakizuna. Istorioak garatzeko estrategiak.
- Ahots-teknika ikastaroa: kantua sentitu, jolastu, gozatu.
- Eskola libre eta demokratikoak: gizarte aldaketarako tresna eta gako.
- Gaitasun sortzaileari ateak irekitzen.
- Emozioak eta norberaren gaitasunak lantzen.
- Aljebra lineala Mathematica programa erabiliz.
Iruñean:
- Jendaurreko komunikazioan trebatzeko tailerra.
- Haur-psikologia: gaurko haurrak etorkizuneko helduak.
Ikastaroetan izena emateko epea irekita dago UEUko webgunean.