Dokumentuaren akzioak
Unibertsitatean zer ikasi erabakitzen laguntzeko orientaziorako azokak hasi dira
Unibertsitatera sartzear dauden ikasleek aurki aukeratu beharko dute zer ikasi nahi duten.
Ez da lan erraza izaten eta besteak beste aukeraketa errazteko unibertsitateek orientaziorako azokak antolatzen dituzte.
Bertan, azoka antolatzen duen unibertsitate bakoitzak eskaintzen dituen gradu guztien informazioa jartzen du ikasleen eskura: stand-en bitartez, hitzaldiak antolatuz... Eta gehienetan ikasleen zalantzak argitzeko graduetako irakasleekin aurrez-aurre aritzeko aukera egoten da.
Larunbat honetan EHUk lehenengo azoka antolatuko du eta stand-ez gain hainbat dira antolatu dituen hitzaldiak:
- Urtarrilaren 19an Gasteizko Farmazia Fakultatean (antolatu dituzten informazio saioen egitaraua PDF honetan duzu).
- Urtarrilaren 26an Donostiako Ignacio Maria Barriola Zentroan (emango diren hitzaldien egitaraua PDF honetan duzu).
- Otsailaren 2an Bilboko Ekonomia eta Enpresa Zientzien Fakultatean (antolatu dituzten hitzaldien berri PDF honetan duzu).
Joango gara gainerako unibertsitateek antolatzen dituzten ekimenen berri ere ematen.
Hala ere, gogoratu atari honetan Zer, non ikasi graduko ikasketen bilatzailea dugula. Bertan Euskal Herriko uinibertsitate guztiek eskaintzen dituzten tituluen gaineko informazioa erraz aurkituko duzu.