Dokumentuaren akzioak
Joseba Azkarragaren "Modernitate Kapitalistari kritika" liburua argitaratu du UEUk
Joseba Azkarraga Etxegibelek idatzi du Modernitate kapitalistari kritika: Weber, Frankfurteko Eskola, Habermas liburua eta UEUk eman du argitara.
Helburua hauxe izan da: unibertsitateko ikasleei, irakasleei eta gaian interesa
izan dezakeen edozeini, garrantzi handikoak diren pentsalari eta obra batzuei buruzko
apunte batzuk eskaintzea.
Arrasateko kooperatibismoari buruzko doktore-tesirako egindako lan teorikoa duzu argitalpen hau. Hori dela eta, aipu batzuk aurkituko dira han-hemenka euskal esperientzia sozioekonomikoari buruz. Euskal kooperatibismoa abiapuntutzat hartuta, begi-puntuan hartu dugun pentsamendu-ildoa euskal unibertsora ekarri gura izan dugu, eta bertako esperientzia batekin zipriztindu, euskal irakurleari errazagoa izango zaiolakoan orriotan isuri den pentsamendua ulertzea.
Liburua UEUren web guneko dendan erosi daiteke.