Dokumentuaren akzioak
UEUk bost Berezko Titulu sustatuko ditu UPV/EHUn
2016/09/05 - unibertsitatea.net
Berritasunen artean "IKTak eta konpetentzia digitalak hezkuntzan, etengabeko formakuntzan eta hizkuntzen irakaskuntzan" izenekoa eta “Lurraldea eta Hizkuntza. Eragin Linguistikoaren Ebaluazioa”.
Hasi berri dugun ikasturterako UEUk euskarazko bost Berezko Titulu sustatuko ditu UPV/EHUren eskaintzaren barruan. Bost horietatik bi berriak dira, gainera. “IKTak eta konpetentzia digitalak hezkuntzan, etengabeko formakuntzan eta hizkuntzen irakaskuntzan” izenekoa online eta “Lurraldea eta Hizkuntza. Eragin Linguistikoaren Ebaluazioa” erdia online. “Itzulpengintza eta teknologia”, “Hondakinen kudeaketa eta tratamendua” eta “Agroekologia:trantsiziorako gure bideak lantzen” izango dira beste hiruak. Dagoeneko zabalik dago izena emateko epea.