Dokumentuaren akzioak
Txokolate birtual pusketa bat jan nahi? Parte hartu #KulturaZientifikoa 1. Jaialdian
Oporrak bukatu eta gaur lanera bueltatzean, hara! txupinazo eguna dela!
Izan ere "sareko zeru birtualean egin du eztanda" #KulturaZientifikoa 1. Jaialdiari hasiera eman dion suziriak.
Kultura Zientifikotzat hartzen diren esparru desberdinetako ekarpenak jaso nahi ditu ekimenak eta 100 lagun/erakunde/taldek babestu dute.
Nahi duenak parte hartu dezake eta gainera parte hartzaileei dastatzeko zerbait eskainiko zaie... txokolate birtuala.
Txokolatezko taula periodikoa osatu dute antolatzaileek eta bertako ontzak esleituko zaizkie ekarpena egiten dutenei.
Txokolatezko taula periodikoko Hidrogenoari dagokion "H" hizkia dagoeneko jan du Achucarro Basque Center for Neuroscience-k, Neurozientzian blogean idatzi duen "Ispilu neuronak eta enpatia" artikuluarengatik.
Unibertsitatea.net-ek ere badu taulako ontzaren bat jateko asmoa... eta zu? txokolate birtuala jatera animatzen zara?
Irakurri informazio guztia: "Txupinazoa: #KulturaZientifikoa 1. Jaialdia, abian da"