Dokumentuaren akzioak
Euskal soziolinguistika esparruko ikerketak saritzeko Txillardegi-Hausnartu sariak
(Irudia: Pixabay Lizentzia. Iturria: Pixabay)
Jose Luis Alvarez Enparantza Txillardegi euskal soziolinguista donostiarra omentzeko Txillardegi-Hausnartu sariketa antolatu dute Soziolinguistika Klusterrak eta UPV/EHUk.
Euskal soziolinguistika teorikoaren eta metodologikoaren garapenean eta berrikuntzan eragitea da helburua. Baita ikertzaileen lana bultzatzea eta euskal soziolinguistikaren eremura hurbiltzea.
Sarietara euskararen soziolinguistika arloko ikerketa zein hausnarketa lanak aurkeztu daitezke, beti ere oinarri zientifikoa dutenak. Lehenengo sariak 2.000 euro eta Jose Luis Zumetaren litografia bat eramango du, bigarrenak 1.300 euro eta hirugarrenak 1.000 euro.
Lanak aurkezteko azken eguna irailaren 17a izango da. Hemen dituzu oinarriak.