Dokumentuaren akzioak
Scratch Eguna 2016 Bilbon eta Gasteizen
Scratch Eguna 2016 Bilbon eta Gasteizen egingo da. Jardunaldi horietan, 5. eta 6. mailako ikasleek hartuko dute parte, hain zuzen, euren proiektu zein esperientziak partekatzeko. Era berean, Scratch aplikazioaren inguruan interesa duen orok ere informazio zuzena jasotzeko aukera izango du.
Izan ere, Scratch aplikazio informatiko bat da. Bereziki umeei zuzendutako aplikazio honen ezaugarri nagusia bere interfaz erraza da, modu horretan, ordenagailuen programazioaren inguruko kontzeptuak ikertzeko eta esperiementatzeko.
Zer da Scratch Day?
Scratch Day MIT Media Lab elkarteko “Lifelong Kindergarten Gruop” taldeak sortutako eta garatutako ideia da. Hortaz, mundu osoan, aldi berean ospatzen den eguna da; eta, horrela, askotariko jardunaldietan batzen ditu Scratch aplikazioa ikasteko eta ikasten elkarbanatzeko interesa dutenak. Hala ere, Scratch Day antolatzeko ardura hartzen duen taldeak erabakitzen du, lekuan leku, jardunaldiaren edukia, nori zuzendu eta zer nolako jarduera mota izango den: hitzaldiak, erakustaldia… Hona hemen iazko Scracth Egunaren bideo bat: