Dokumentuaren akzioak
Leioa-Erandio eremuko Irakasleen Unibertsitate Eskola berriak 2.200 pertsonen jarduna bilduko du
2011/2012 ikasturtean 2.000 ikasletik gora hartuko ditu, inauguratu berri den Leioa-Erandio eremuko Irakasleen Unibertsitate Eskolaren eraikin berriak. Guztira, 2.224 pertsonen eguneroko jarduna bilduko du eraikin honek: ikasle, irakasle eta administrazio eta zerbitzuetako langileena.
Irakaskuntza eskaintzari dagokionez, plan zaharreko bost ikasketa eskainiko dira eta plan berriko hiru gradu: Gizarte Hezkuntzako Gradua, Haur Hezkuntzako Gradua eta Lehen Hezkuntzako Gradua. Matrikulatu diren ikasleen %78a emakumeak dira eta ikasle berrien gehiengoak euskaraz egingo ditu ikasketak: Gizarte Hezkuntzako Graduan %48,92k, Haur Hezkuntzan %84,29ak eta Lehen Hezkuntzan %75,53ak.