Laster dator Uda eta horrekin Ikastaroak

Aurten, UEUko Udako ikastaroek 40 urte betetzen dituzte. Hala, 40 ikastaro eskainiko dituzte. “ Lau hamarkada euskara eta unibertsitatearen alde lanean” da aurtengo ikastaroak aurkezteko aukeratu duten leloa. Izan ere, data berezia da eta eskainitako ikastaroen kopurua handiagoa izango da, aurreko urteekin konparatuz, aukera aprobetxatzeko. Ekainaren 26an abiatuko dira ikastaroak Eibarren, uztailaren 4an Baionan eta 16an Iruñean. Guztira 20 ikastaro emango dira Eibarren, 8 Baionan, 10 Iruñean eta 2 on line egiteko.

Sei ataletan banatu dituzte ikastaroak: artea eta musika, giza zientziak, ingeniaritza eta teknologia, osasunaren zientziak, humanitateak eta zientzia aplikatuak. Ordu kopurua desberdina izango da, ikastaroaren araberakoa. Laburrenak 10 ordu izango ditu eta luzeenak 80. Ikastaroak egoitzen arabera banatuak honako hauek dira:

Eibarren:

• Kannabisa: eraginak osasunean eta erabilera terapeutikoak (ekainak 26-27, 12 ordu)

• Literatura Unibertsala itzultzen(ekainak 26-27, 14 ordu)

• Irakaskuntza kooperatiboa Natur Zientzietan, erreken kontserbazio-egoera aztergai (ekainak 26-28, 22 ordu)

• Txillardegi testuz testu (ekainak 27-29, 22 ordu)

• ETBk 30 urte (ekainak 28-29, 14 ordu)

• Komunikazio-tailerra elkarteentzat (ekainak 28-29, 14 ordu)

• Ebaluazioa Moodle-n: kalifikazio-liburua eta tailerra (ekainak 28-29, 12 ordu)

• Marrazki bidez kontatuko dizut! (ekainak 28-29, 14 ordu)

• Hondakinen kudeaketa eta tratamenduak (uztailak 9-10, 12 ordu)

• Euskal emakumeen historia osatzen (uztailak 9-10, 14 ordu)

• Herri-mugimenduak eta militantzia-ereduak (uztailak 9-10, 14 ordu)

• Sexologia, gazteak eta sare sozialak (uztailak 9-11, 15 ordu)

• Murgildu robotikan LEGO NXTrekin (uztailak 9-11, 18 ordu)

• Lazarragaren testuak DBHn erabiltzeko ( uztailak 11-12, 12 ordu)

• Identitate di-soluzioak: narrazio performatiboak generoa eta euskal identitatea uztartuz (uztailak 11-12, 14 ordu)

• Bioeraikuntza eta geobiologia: bizitzeko eraiki (uztailak 11-12, 14 ordu)

• Zentzumenen terapiak: psikoaromaterapia, musikoterapia, irudikapen sortzailea... (uztailak 11-13, 18 ordu)

• Scratch, teknologia berriak ikasgelan. Multimedia garapenak helburu pedagogikoekin (uztailak 12-13, 12 ordu)

• Smartphonetarako aplikazioen programazioa Titanium erabilita (ekainak 26-27, 12 ordu)

• Coaching-erako sarrera (uztailak 26-27, 12 ordu)

Baionan:

• Musika-hezkuntzarako baliabide tekniko eta espresiboak (uztailak 4-5, 14 ordu)

• Kontu txikiak eta euskaraz mintza eta jolas tailerra (uztailak 4-5, 12 ordu)

• Soziolinguistika: kontzeptu nagusiak (uztailak 4-5, 10 ordu)

• Parte-hartzea aztergai: hausnarketarako gunea (uztailak 4-5, 12 ordu)

• Egoera kritikoak gainditzeko teknikak (uztailak 4-5, 10 ordu)

• Elikadura burujabetza eta Agroekologia (uztailak 4-6, 22 ordu)

• Gorputz sortzailea: gorputz eta mugimenduaren inteligentzia (uztailak 4-6, 22 ordu)

• Antzerkigintza hezkuntzan: sor dezagun elkarrekin komunikatzeko bide bat (uztailak 4-6, 22 ordu)

Iruñean:

• Sozialismoa XXI. mendeko Euskal Herrian (uztailak 16-18, 22 ordu)

• Nafarroaren konkista, iragana eta oraina (uztailak 16-18, 24 ordu)

• Euskararen berreskurapenaren esperientzia eta hizkuntza gutxituen biziberritzea (uztailak 16-17, 14 ordu)

• Iraultzaileak hezten: hezkuntza aldaketa sozialerako tresna gisa (uztailak 16-17, 14 ordu)

• Sexu-hezkuntza eta desgaitasuna (uztailak 16-17, 10 ordu)

• Batzarra: jatorrizko antolakuntza-erakundea etorkizunerako bermea (uztailak 16-17, 14 ordu)

• Haur-psikologia: gaurko haurrak etorkizuneko helduak (uztailak 16-17, 12 ordu)

• Aldaketa-prozesuetarako gakoak: konfiantza eta autoestimua (uztailak 16-17, 14 ordu)

• Mendiko teknikak basabizitzaren ikerketan. Ikastaro praktikoa Pirinioetan (uztailak 16-21, 80 ordu)

• Jendearen aurrean euskara jasoan hitz egiteko teknikak (uztailak 17-18, 14 ordu)

On line:

• Zientzia-hezkuntzarako tresna digitalak: Google Earth eta Maps (ekainak 29-uztailak 18, 40 ordu)

• Geogebra erabiltzen ikasi: hastapenak (ekainak 26-uztailak 18, 40 ordu)

Izena emateko epea kurtso bakoitza hasi baino astebete lehenago arte irekita egongo da.