Dokumentuaren akzioak
Komunikazioa, informatika, hezkuntza, agroekologia, pedagogia, feminismoa... aukera anitz UEUk udaberrirako prestatutako ikastaroetan
2018/01/18 - Unibertsitatea.net
Prest dago UEUren udaberriko eskaintza. Ikastaroak urtarrila eta maiatza bitartean eskainiko dira, Eibarren, Iruñean eta on-line.
UEUk prest du 2018ko udaberriko eskaintza eta dagoeneko izena emateko aukera irekita dago.
Urtarrila eta maiatza bitartean antolatuko diren ikastaroetan gai anitz landuko dira eta hauek on-line, Eibarren edo Iruñean emango dira.
Hona hemen eskaintza osoa:
On-line
- “Tribuaren berbak” sekuentzia didaktikoak gelan erabiltzeko jarraibideak.
- Arazo-egoeratik proiektura. Proiektu bidezko metodologiak sustatzen.
- Moodle-ren gamifikazioa eta ikasleak motibatzeko sormenezko hainbat erabilera.
- Programazioa denontzat: Python ikasi praktikaren bidez.
- Negozio edo proiektu bat sarean ezagutzera emateko baliabideak eta gakoak.
Ikasgelakoak
- Harreman harmonikoak izateko komunikazio trebetasunak. Zure bizitza aberasteko gakoak. (Iruñea)
- Gatazken ebazpena pedagogia sistemikotik abiatuta. (Iruñea)
- Heziketa integrala: Haurrekiko harreman osasuntsuak sustatuz. (Iruñea)
- Errealitateak kontatzeko manerak. (Iruñea)
- Hizkuntza-praktika ekologikoak haurren hezkuntzan.(Iruñea)
- Euskal paisaien argazkilaritzako ikastaroa. (Eibar)
- Askatasunean hazi, hezi eta bizi. (Eibar)
- Ez utzi biharko gaur egin dezakezuna: zure produktibitatea hobetzeko metodo eta tresnak. (Eibar)
- Agroekologia. Tokiko garapen integrala. (Eibar)
- Haurren autoestimua ezagutu eta garatzeko erremintak. (Iruñea)
- Hizkera argia administrazio elektronikoaren garaian. (Eibar)
UEUren jarduera akademikoaren UEU365 blogean gainera, ikastaroetako irakasleak elkarrizketatzen ari dira. Hona hemen orain arte egindakoak:
- Juan Ezeiza: “Moodle-ren jarduera motibagarriak sortu eta irakasleen lanerako erabilgarria izango den molde birtuala prestatzea dira ikastaro honen helburuak” (Moodle-ren gamifikazioa eta ikasleak motibatzeko sormenezko hainbat erabilera ikastaroa).
- Gotzon Carcar: “Ahalik eta naturaltasun, argitasun eta jario handienarekin komunikatzeko teknika erraz eta baliotsuak irakastea dut helburu” (Harreman harmonikoak izateko komunikazio trebetasunak. Zure bizitza aberasteko gakoak ikastaroa).
- Itziar Uriarte: “Gaitasunen garapena lortzeko parte-hartze aktiboa eta motibazioa kontutan hartzen duen ikaste-irakasteko era honek” (Arazo-egoeratik proiektura. Proiektu bidezko metodologiak sustatzen. PBL. ikastaroa).
- Lorea Agirre: “Ezinbestekoa da gizartean ditugun menderakuntza moduak ezagutzea, izena jartzea” ( “Euskaltzaletasuna eta feminismoa: zer ikasi, hura elikatu” ikastaroa).