Ikertzaile euskaldunei zuzendutako tailerrak antolatu dituzte UEUren Udako Ikastaroetan

UEUk Ikertzaile Euskaldunei zuzendutako tailer-sorta bat antolatu du aurtengo 46. Udako Ikastaroen barne.

Bost dira antolatu dituzten IkerGazte tailerrak eta Eibarren egingo dira uztailaren 9tik 13ra bitartean:

• Bibliografiaren kudeaketa Zotero (software librea) erabiliz. (Uztailak 9). Irakaslea:
• Juanan Pereira Varela (@juanan). Informatikan doktorea, UPV/EHUko irakaslea, Euskalbar, Babelium eta DiarioLinux proiektuen sortzailea. UEUkidea.

• Dibulgazioan hasten eta hazten (Uztailak 9-10). Irakasleak:
• Koldo Garcia Etxebarria (@koldotxu). Genetikan doktorea, ikertzailea, zientziazalea eta UEUkidea.
• Josu Lopez Gazpio (@Josu_lg), Kimikan doktorea, zientziazalea, UEUko kimika sailburua eta zientzia-dibulgatzailea. Tolosaldeko Atarian, Zientzia Kaieran eta Ekosferan kolaboratzen du.
• Uxune Martinez Mazaga (@UxuneM), Euskampus Fundazioko Zabalkunde zientifikorako Arduraduna eta Zientzia Kaierako editorea.
    
• Norberaren NIA (PLE) osatuz: ikerketarako baliabide digitalak. (Uztailak 10).
• Amaia Arroyo Sagasta.  Hezkuntza Berezia Magisteritzan diplomaduna eta Komunikazio eta Hezkuntza Ingurune Digitaletan doktorea.
• Rakel Gamito Gomez. Informatikaria, Hezkuntzan graduatua eta Psikodidaktikan aditua. Gaur egun gaitasun digitalaren arloa lantzen duen doktoratu aurreko ikertzailea da UPV/EHUn. UEUkidea.
  
  
• Ahozko komunikazioa errazteko tresnak. (Uztailak 11-12-13).
• Amagoia Martinez Laucirica. Arte Dramatikoan diplomatua. Antzerkiko irakaslea haur hezkuntzan. Aktorea.

• ”Code erabiltzen ikasteko tailerra” (Elhuyarren Zientzia Azokako irabazleentzat) (Uztailak 10).

Izen ematea irekita dago.