Edukira salto egin | Salto egin nabigazioara

Hemen zaude: Hasiera Ziztu bizian Ikerbasquek 20 ikerketa-kontratu egiteko deialdia ireki du

Dokumentuaren akzioak

Ikerbasquek 20 ikerketa-kontratu egiteko deialdia ireki du

2020/01/13 - Unibertsitatea.net
"Research Fellow 2020" programarekin atzerrian lanean dauden zientzialariak erakartzea eta Euskal Herrian ikertzen ari direnei beren ibilbidea sendotzeko aukerak eskaintzea lortu nahi da. Martxoaren 24ra bitartean eman behar da izena.
Ikerbasquek 20 ikerketa-kontratu egiteko deialdia ireki du

(Irudia: Pixabay Lizentzia. Iturria: Pixabay)

Ikerbasqueren Research Fellows 2020 deialdia abian da. 20 ikerketa-kontratu eskainiko dituzte eta honekin batez ere atzerrian lanean dauden euskal ikertzaile emakumeak eta ikertzaile gazteen itzulera bultzatu nahi dute. Orain arteko deialdietan guztira 19 herrialdetako 76 ikertzaile kontratatu dituzte.

Arlo guztietako ikertzaileak aurkeztu daitezke, betiere ikerketaren esparruan 3 eta 10 urte arteko eskarmentua badute eta doktoregoa 2009ko urtarrilak 1etik 2017ko abenduaren 31ra bitartean defendatu badute.

Programak 5 urtetarako ikerketa-kontratuak eskaintzen ditu, gerora luzatu daitezkeenak. Izen-ematea Ikerbasqueko webgunearen bitartez egin behar da martxoaren 24a baino lehen.

Informazio gehiago: Ikerbasque.