Iberiar Penintsulako eleaniztasunari buruzko mintegia Madrileko Complutensean

Antolatzaileek soziolinguistika jorratzea nahi izan dute gaurkotasun handiko diziplina delako, beraz jardunaldiak gaiarekin interesa duen edonori zuzenduta daude eta ez soilik filologoei.

Eleaniztasuna ondare kulturala legez gordetzea eta gizartearentzat elementu aberasgarria dela ezagutaraztea dira mintegiak lortu nahi dituen helburuak. Iberiar Penintsularen esparruaren baitan hainbat hizkuntza (galegoa, portugesa, katalana, euskara eta gaztelera) harremanetan egoteak eleaniztasunaren hainbat aspektu zuzenean ikertzea ahalbidetzen du:

• Aniztasun dialektala
• Hizkuntza-politikak
• Diglosia
• Etorkinen ekarpena eleaniztasunari
• Estandarrak

Mintegira (egitaraua) bertaratzen diren partaideei dokumentazioa ez zaie banatuko, webgune honetan eskuratu dezaketelarik hitzaldi bakoitzaren informazioa (bideo-estekak, word dokumentuak...).