Hemen zaude: Hasiera Ziztu bizian "Gure Irudi Galduak", XX. mendeko euskal film amateurrak kontserbatzeko ekimena

Dokumentuaren akzioak

"Gure Irudi Galduak", XX. mendeko euskal film amateurrak kontserbatzeko ekimena

2020/03/13 - Unibertsitatea.net
1990. hamarkada baino lehenagoko grabaketak bildu nahi dituzte. Dagoeneko 189 bobina bererskuratu dituzte.
"Gure Irudi Galduak", XX. mendeko euskal film amateurrak kontserbatzeko ekimena

(Irudia: Pixabay Lizentzia. Iturria: Pixabay)

XX. mendeko euskal film amateurrak  biltzea, digitalizatzea eta zaintzea du helburu "Gure irudi galduak" ekimenak. Gastibeltza Filmak egiturak gidatzen du eta partaide dira Eusko Jaurlaritzaren Kultur Ondare Saila, UPV/EHUko Nor ikerketa taldea, Kanaldude, Elias Querejeta Zine Eskola eta Euskadiko Filmategia.

1990ko hamarkada baino lehenagoko film edo bideo zaharrak berreskuratzea da ekimenaren asmoa, materiala digitalizatzeko. Lortutako bobinak Euskadiko Filmategian baldintza optimoetan kontserbatuko dituzte eta jabeei kopia digitala emango zaie besteak beste.

2019ko maiatzean hasi ziren lanak jasotzen eta dagoeneko 189 bobina berreskuratu dituzte. Hauetatik 24 film komertzialak dira, eta gainerakoak Manuel Ynchausti eta haren seme-alaba Antonio Maria eta Anna Ynchaustik egindako filmaketa originalak dira.

Iturria: UPV/EHU.