Dokumentuaren akzioak
Euskarazko unibertsitate-liburuen sorkuntza sustatzeko diru-poltsek badituzte irabazleak
2020/01/10 - Unibertsitatea.net
UEUk urtero antolatzen du Bizkaiko Foru Aldundiaren laguntzarekin. Poltsa bakoitzaren iraupena gehienez 12 hilabetekoa izango da.
UEUk euskarazko unibertsitate-liburuen sorkuntza sustatzeko 1.000 euroko hiru poltsarako deia egiten du urtero.
Ikasmaterialak unibertsitateko edozein jakintza-arlotakoak izan daitezke eta autore guztiei zuzenduta dauden arren, autore gazteen lan-proiektu indibidualak eta talde-proiektuetan autore gazteak integratzeko ahaleginak baloratzen dituzte.
12 hilabeteko iraupena izango dute poltsek eta ezagutu berri ditugu 2019ko irabazleak:
- "A, e, i, o, u berri baten xerka. Literatura Kritika Feministatik Literatura Teoria Feministara", Iratxe Retolaza Gutierrez.
- "Bi hizkuntza garun bakarrean: Euskal psikohizkuntzalaritzaren ekarpenak eta erronkak", Kepa Erdozia Uriarte, Mikel Santesteban Insausti, Adam Zawiszewski.
- "Nola egiten da Herria? Hegemoniaren eraikuntzaren begirada populista bat", Galder Sierra Zapirain.
Zorionak!