Euskarazko Tesien II. Koldo Mitxelena Sariak banatu dira

Euskarazko Tesien II. Koldo Mitxelena Sariak banatu dituzte gaur, apirilak 4, Euskaltzaindiaren Bilboko Egoitzan.

UPV/EHUk eta Euskaltzaindiak Euskarazko ikerketa bultzatzeko eta sustatzeko sortu zituzten sariak eta bi urterik behin antolatzen dira.

Aurtengo edizioan 2008, 2009 eta 2010ean euskaraz defendatutako doktorego-tesiek parte hartu dute eta bost izan dira sarituak:

• Erretrobirus endogenoen detekzioa eta karakterizazioa behietan eta beste hainbat mamaliotan. Koldo Garcia.

• Euskarazko errore sintaktikoak detektatzeko eta zuzentzeko baliabideen garapena: datak, postposizio-lokuzioak eta komunztadura. Maite Oronoz.
• Goi mailako futbolari gazteen ezaugarri antropometriko eta fisiologikoen garrantzia aukeratze-prozesuan. Jaime Zubero.
• Hizkuntza-eraldaketa organizazioetan: Esperientzia eta modelazioa. Dinamizazio soziolinguistikoa gizarte pedagogiaren baitan. J. Inazio Marko.
• Literaturaren irakaskuntza Hego Euskal Herriko batxilergoan, eduki kontzeptualetatik gaitasun komunikatiboetarako bidean. Idurre Alonso.