Dokumentuaren akzioak
Euskal nerabeek jasaten duten bullying LGTB-fobikoa ikertu dute
(Iturria: Pixabay LIzentzia. Irudia: Pixabay)
EAEko nerabeen artean bullyingak eta cyberbullyingak duten presentzia aztertu du UPV/EHUko Psikologia Fakultateko Enara Larrain Mariño psikologoak. Bereziki bullying LGTB-fobikoa.
Ikerketan eskola-jazarpenaren biktima diren nerabeen artean orientazio edo identitate sexualari lotuta desberdintasunik ote zegoen jakin nahi zuen Larrainek. Emaitzek zera diote: "ez-normatiboa den orientazio edo identitate sexuala izateagatik, maiztasun handiagoarekin pairatzen dituzte nerabeek erasoak fisikoki, ahoz zein birtualki".
Ikerketan 13-17 urte bitarteko 1.748 nerabek parte hartu zuten eta Bullying LGTB-fobikoari eta aniztasun sexualari buruzko galdetegietan jasotako emaitzek erakutsi dute gazteen % 60k noizbait jasan duela nolabaiteko eskola-jazarpena. Maiztasun handiagoarekin mutilek.
Hezkuntzan lan handia egiteke duela azpimarratu du ikertzaileak, izan ere, "LGTB pertsonek sostengu handiena familietan dute, eta diskriminazio gehien, gizartean eta ikastetxean".
Irakurri HEMEN.