Edukira salto egin | Salto egin nabigazioara

Hemen zaude: Hasiera Ziztu bizian Energia elektrikoaren kontsumoa jaisten duen mikrotxip berri bat diseinatu du UPNA/NUPeko ikertzaile bat buru duen talde batek

Dokumentuaren akzioak

Energia elektrikoaren kontsumoa jaisten duen mikrotxip berri bat diseinatu du UPNA/NUPeko ikertzaile bat buru duen talde batek

2011/06/28 - Unibertsitatea.net

Energia elektrikoaren kontsumoa nabarmen jaisten duen sistema mikroelektronikoen familia berri bat diseinatu du UPNA/NUPeko Seinalearen Teoria eta Komunikazioen Arloko Antonio López Martín katedraduna buru duen ikerketa talde batek.

Gailuaren izena MOS transistore ate ia-flotagarriduna da eta Seiko Epson japoniar multinazionalak arrakastaz erabili du jada bere sakelako telefonoen harrera sistemetan. Sendotasun handia duen gailua omen da gainera, esaterako, hondamendi nuklearra izan duten eremuetan edo kanpo-espazioan.

Lana ETRI Journal nazioarteko aldizkari entzutetsuaren ekaineko alearen lehenengo orrirako aukeratu dute. Aldizkaria esparru honetan mundu mailako erreferentzia den Hego Koreako Elektronika eta Telekomunikazioetako Ikerketa Institutuko argitalpen nagusia da.