Europako gaur egungo elikadura-sistema ez da jasangarria, hori diote adituek. Elikagaiak ekoizteko, prozesatzeko, garraiatzeko, kontsumitzeko eta xahutzeko modua ez da bideragarria.
Elikadura-sistema jasangarria lortzeko bidean osasun-sistemarentzako tresna erabilgarri bat sortzea du helburu UPV/EHUko Ekonomia eta Enpresa Fakultateak gidatzen duen proiektu europar batek: RENASCENCE Horizon 2020.
Adituen esanetan Europan gutxi gorabehera 2,5 milioi ohe daude ospitaletan eta beraz 2,5 milioi otordu zerbitzatzen dira egunero. Otordu guztiak prestatzeko elikagaien erosketak, prestaketak... modu jasangarrian eginda eragin handia izango luke elikadura-sisteman.