Dokumentuaren akzioak
"Eibar.org blog komunitatea: hurbilketa bat atariaren analisiaren bidetik" ikerketa-proiektuari esleitu zaio Juan San Martin ikerketa-beka
2013/12/02 - Unibertsitatea.net
Aurtengo deialdiaren ikerketa-esparrua Kazetaritza izan da eta irabazlea Maialen Odriozola Martija izan da.
Euskarazko ikerketa sustatzeko Juan San Martin ikerketa-beka deitzen du bi urterik behin Eibarko Udalak UEUrekin elkarlanean.
Aurtengo deialdiaren ikerketa-esparrua Kazetaritza izan da eta azaroaren 20an batu zen epaimahaiak aho batez izendatu du lan irabazlea. Alegia, Maialen Odriozola Martijaren "Eibar.org blog komunitatea: hurbilketa bat atariaren analisiaren bidetik" ikerketa-proiektua.
Hona hemen aurreko urteetako irabazleak eta ikerketa-esparruak:
- 2001: Euskal Deiturategia: Patronimia (Patxi Salaberri Zarategi)
- 2002: Liberalismoa Eibarren. Hastapenak eta bilakaera. 1766-1900 (Gotzon Iparragirre Burgoa)
- 2003: Bertoko Botanika (Aitor Gerenabarrena, Asier Arregi eta Imanol Manterola)
- 2004: Euskal literatura garaikidearen kanona (Idurre Alonso Amezua)
- 2005: Humboldt: hizkuntza eta pentsamendua (Joxe Azurmendi)
- 2006: Argumentu isilen tipologiatik orotariko teoriara (Maia Duguine Haristoy)
- 2007: Gaztedia Eibar hiriaren giza eraikuntza-eraldakuntzan (Aitzol Loyola Idiakez).
- 2008: Beka hutsik
- 2009: Gerra osteko Euskal Herriaren eraikitzea. Eibarko berreraikuntza lanak (Francisco Javier Muñoz Fernandez)
- 2011: Narratiba biografikoaren azterketa konparatiboa (Haritz Monreal Zarraonandia).