Dokumentuaren akzioak
"Desberdintzaren matematika" hitzaldia eskainiko du Eva Ferreiro UPV/EHUko katedradunak
2014/03/24 - Unibertsitatea.net
Hitzaldian, matematikak desberdintzaren fenomenoa aztertzeko erreminta erabilgarria direla erakutsi nahi du Ekonomia Aplikatutako katedradunak.
Irudia: UPV/EHU
Eva Ferreiro UPV/EHUren Ekonomia Aplikatutako katedradunak eta Ekonomia eta Enpresa Zientzien Fakultateko Estatistika irakasleak "Desberdintzaren matematika" hitzaldia eskainiko du asteazkenean.
Hitzaldiarekin, matematikek desberdintzaren fenomeoa aztertzeko erreminta erabilgarria direla erakutsi nahi du; esaterako matematikek desberdintzaren zergatiak eta bilakaera ulertzen nola lagun dezaketen.
Hitzaldia martxoaren 26an (asteazkena) izango da Bilboko Alondegian (19:00) eta UPV/EHUko Kultura Zientifikoko Katedrak eta Alhóndiga Bilbaok sustatzen duten Zientziateka ekimenaren baitan kokatzen da.
(Iturria: UPV/EHU)