Dokumentuaren akzioak
CAF-Elhuyar sariak banatu dituzte
CAF-Elhuyar sariak banatu dira. Zientziaren eta teknologiaren arloko gaien eta ikerketen euskarazko dibulgazioa, kazetaritza, eta gizarteratzea bultzatzea, saritzea eta aitortzea dute helburu.
Aurtengo edizioan 41 lan jaso dituzte eta hauek dira kategoria bakoitzeko irabazleak:
- Dibulgazio-artikulu orokorraren saria: "Io eta argiaren abiadura" artikuluarekin Galder Gonzalez Larrañaga wikilari zarauztarra.
- Egilearen doktore-tesian oinarritutak dibulgazio-artikulu orokorraren saria: "Polimero birziklatu aurreratuen garapena: plastiko-hondakinei bizi berri bat emanez" artikuluarekin Leire Sangroniz Agudo kimikako doktore elgetarra.
- Zientzia-kazetaritzaren arloko saria: Josu Lopez-Gazpio tolosar kimikaria "Musikaren zientzia" lanarengatik.
Ezohikoa egoera honetan ezin izan da sari-banaketa ekitaldirik egin baina saridunek 2.000 euroko diru-saria eta Imanol Andonegi Mendizabalen eskultura bana jasoko dute.
Honez gain, aurten, Neiker sari berezia (lehen sektoreko lan onena saritzen duena) eta Zientzia Gizartean sorkuntza-beka eman gabe uztea erabaki du epaimahaiak.
Hala ere, iazko Zientzia Gizartean sorkuntza-bekaren irabazleak, Martin Etxauri Sainz de Murieta burlatarrak, bere lana aurkeztu du sarean: "Fossil Plastics. Alegiazko enborrak".
Zorionak guztioi!
Iturria: Elhuyar.