Dokumentuaren akzioak
Bilboko Arte Ederren Museoko artelanak kontserbatzeko eta zaharberritzeko beka deialdia
(Irudia: Pixabay LIzentzia. Iturria: Pixabay)
Bilboko Arte Ederren Museoak eta Iberdrola Fundazioak artelanak kontserbatzeko eta zaharberritzeko beka deialdia egin dute: Iberdrola - Bilboko Arte Ederren Museoa Bekak | 2020-2021 VII Deialdia.
Bi beka eskainiko dituzte eta bekadunen zereginen artean egongo da museoaren bilduma kontserbatzeko eta zaharberritzeko tratamenduak egitea, lan horiek dokumentatzea, mailegu-proiektuetan eta aldi baterako erakusketetena parte hartzea edo ikerketa teknikoko lanak egitea.
Deialdira aurkezteko beharrezkoa da besteak beste Arte Ederretan diplomatua, lizentziatua edo graduatua izatea, kultura-ondasunak kontserbatzeko eta zaharberritzeko espezialitatearekin. Honez gain, ikasketa hauek 2013-2014 ikasturtetik (barne) aurrera amaitutakoak izan behar dira.
Bekak, irailaren 1ean hasiko dira eta hamar hilabeteko iraupena izango dute (beste 10 hilabetez luzatzeko aukerarekin).
Beka deialdian aurkezteko azken eguna ekainaren 12a izango da. Oinarriak kontsultatzeko jo hona: Iberdrola - Bilboko Arte Ederren Museoa Bekak | 2020-2021 VII Deialdia.