Dokumentuaren akzioak
Bihartik hasita EAEko 7.804 ikaslek egingo dute unibertsitaterako Hautaprobetako azterketa UPV/EHUn
2007/06/05 - Unibertsitatea.net
Ekainaren 6tik 8ra bitartean egingo dira Hautaprobako azterketak eta bertan parte hartuko duten ikasleen %52ak euskaraz egingo ditu.
Asko eta asko dira unibertsitaterako Hautaproba azterketak prestatzen ari diren ikasleak. Adibidez, bihartik aurrera, Euskal Autonomia Erkidegoko 7.804 ikaslek hasiko dituzte azterketak UPV/EHUn. Beraietatik 4.080k euskaraz egingo dute eta gainontzekoek gaztelaniaz. Zehazki, hauexek dira datuak lurraldeka:
Euskaraz | Gazteleraz | Guztira | |
---|---|---|---|
Araba | 414 | 595 | 1.009 |
Bizkaia | 1.870 | 2.145 | 4.015 |
Gipuzkoa | 1.796 | 984 | 2.780 |
Azterketak, ekainaren 6, 7 eta 8an izango dira eta honela egongo dira banatuta:
- Asteazkena (ekainak 6), 16.00etan: Hizkuntza eta Literaturako proba. Ondoren, Historia edo Filosofiakoa.
- Osteguna (ekainak 7), 10.00-13.00/16.00-19.00: Batxilergoan egindako espezialitateko derrigorrezko eta hautazkoen probak izango dira (Batxilergo Artistikoko ikasleek proba hauek Arte Ederren Fakultatean egin beharko dituzte).
- Ostirala (ekainak 8) 10.00etatik aurrera: euskarako azterketa izango da, eta gero aukeratutako atzerriko hizkuntzako azterketa (ingelesa, frantsesa edo alemana).
7.804 ikasle hauek 41 epaimahaitan egingo dituzte azterketak, honetara banatuta: 6 Araban; 13 Gipuzkoan, eta 22 Bizkaian.