Dokumentuaren akzioak
Behatoki irrati-astronomikoa NUPen Arrosadiko campusean
Nafarroako Unibertsitate Publikoko ikertzaileek Iruñeko Arrosadiako campusean behatoki irrati-astronomiko bat eraiki eta martxan jartzeko proiektua dute abian, irrati-teleskopioa oinarria hartuta. Tresna honek gorputz zerutiarrek jaulkitako irrati-uhinak atzemateko eta aztertzeko balio du.
Irailaren 16an aurkeztu zuten ekimena Iruñeako Planetarioan, Espainiar Estatuko XXII. Astronomia Biltzarra-ren barruan.
Astroek eta izarrarteko materiak igortzen duten erradiazio elektromagnetikoa (izpi infragorriena baino uhin-luzera handiagoko erradiazio mugatua) detektatu, neurtu eta interpretatzeaz arduratzen den astronomiaren adarra da irrati-astronomia eta irrati-teleskopioa da oinarrizko tresna. Astronomia optikoan ez bezala, behaketak berdin egin daitezke egunez nahiz gauez eta atmosferako hodeiek ez dute behaketa oztopatzen.
Astronomiaren adar honi esker, posible da bestela astronomia optikoarekin atzematen ezin diren gorputzak eta egoerak ikustea eta atzematea: adibidez, meteoroak atzematea, galaxien irudiak lortzea, Jupiterren inguruko eztandak entzutea, eguzki-fenomenoak edo aurora boreal batek sortzen duen soinua entzutea.