Dokumentuaren akzioak
"Baxoaren ondotik zer? Nazio garapenerako giltzak" mahai-ingurua astelehenean Baionan
UEUk eta Ipar Euskal Herriko Eusko Ikaskuntzak mahai-ingurua antolatu dute astelehenean Ikergazte kongresuaren barruan.
"Baxoaren ondotik zer? Nazio garapenerako giltzak" izenburupean hainbat galdera erantzuten saiatuko dira: Zer aukera dute Ipar Euskal Herriko ikasleek goi-mailako ikasketak egiteko? Zer zailtasun topatzen dituzte beren ibilbidea euskaraz egin nahi duten ikasleek? Zer nolako garrantzia du aditu euskaldunak edukitzeak nazio ikuspegitik?...
Hona hemen mahai-inguruan parte hartuko dutenak:
- Sarrera: Kepa Sarasola (UEU) eta Oihana Zanponi (Eusko Ikaskuntza).
- Ekitaldiaren gidaria: Pauline Guelle.
- Testuingurua jarriz: Eneko Bidegain
- Ikasle/ikertzaileen esperientzia: Txomin Poveda eta Maia Duguine
- Mahai-ingurua: Iban Thicoipe eta Jaki Agerre (Bernat Etxepare lizeoa), Eneko Bidegain, Txomin Poveda, Maia Duguine, Oihana Zanponi eta Kepa Sarasola.
Maiatzak 27an izango da mahai-ingurua, arratsaldeko 18.00etan Baionako IKER Zentroko liburutegian (Gaztelu berrian). Sarrera irekia da baina ekitaldira joatekoa bazara idatzi komunikazioa@ueu.eus helbidera.
Iturria: UEU365