Dokumentuaren akzioak
Banatu dituzte 2013ko CAF-Elhuyar sariak
Irudia: Iñigo Ibañez
Banatu dituzte 2013ko CAF-Elhuyar sariak. Era horretan, zientzia-dibulgazioaren arloan egindako ekarpenak aitortu nahi izan ditu beste urte batez Elhuyar Fundazioak. Orotara, sei lan saritu dituzte:
- Dibulgazio-artikulu orokorra: “Fikzioa errealitate bihurtzen denean”, Gorka Azkune.
- Egilearen tesian oinarritutako dibulgazio-artikulua: “Arrainak, otorduetan, ekologiaz mintzo dira”, Eneko Bachiller.
- Zientzia-kazetaritzaren arloko lana: “Angulari erradiografia”, Gorka Zabaleta (Baleike aldizkaria).
- Zientzia-kazetaritzaren arloko lana, aipamen berezia: "Giza eboluzioa berridazten", Amaia Portugal (Berria egunkaria).
- Zientzia gizartean sorkuntza-beka: “IDAZKERA ISILAK: Entzuteko idatziak eta Soinuzko irudiak”, Xabier Erkizia.
- Merezimendu saria: Udako Euskal Unibertsitatea, Iñaki Alegria UEUko zuzendariak jaso zuen saria.
Sari banaketa ekitaldia Bergarako Errekalde jauregian (Gipuzkoa) egin zuten atzo; hain justu, orain 230 urte Elhuyar anaiek wolframa isolatzea lortu zuten eraikinean bertan.
Ekitaldiaren harira, Elhuyar Fundazioko lehendakari Txema Pitarkek adierazi zuen Elhuyar anaiengandik jasotako legatuak definitzen dituela edizio horretako sariak, hain justu, sormenak, lehiakortasunak, dibulgazioak eta disziplinartekotasunak.
Aurtengo sariketako epaimahaikideak hauexek izan dira:
- Dibulgazio-artikuluak eta kazetaritza-lanak:
- Arturo Elosegi, ekologoa, UPV/EHUko ikertzailea eta zientziaren dibulgatzailea .
- Marian Iriarte, kimikaria, UPV/EHUko ikertzailea eta zientziaren dibulgatzailea.
- Uxune Martinez, UEUren Inguma datu-base zientifikoaren kudeatzailea.
- Alberto Barandiaran, kazetaria eta HEKIMENeko zuzendaria.
- Leire Cancio, Elhuyarren zuzendari nagusia.
- Zientzia Gizartean sorkuntza-beka:
- Josu Rekalde, UPV/EHUko Arte Ederren Fakultateko Artea eta teknologia saileko zuzendaria.
- Koldo Almandoz, ikus-entzunezko arloko aditua, zinema-zuzendaria eta The Balde aldizkariaren zuzendaria.
- Maria Gil, Elhuyar Zientzia unitatearen arduraduna.
(Iturria: Elhuyar)