Dokumentuaren akzioak

Artearen eta ekologiaren arteko harremana aztertuko dute asteon Bilbon

2014/10/08 - Unibertsitatea.net

Gaur hasiko da "Artea eta Ekologiaren III. mintegia" eta urriaren 10era arte luzatuko da. Bilboko Bizkaia Aretoan ospatuko da.

Artearen eta ekologiaren arteko harremana ikuspuntu desberdinetatik lantzea helburu duen mintegiari gaur arratsaldean emango zaio hasiera.

"Arte eta Ekologiaren III. mintegia" UPV/EHUko Eskultura Sailak eta Arte Ederren Fakultateak antolatu du eta urriaren 8tik 10era bitartean ospatuko da Bilboko UPV/EHUren Bizkaia Aretoan.

Ekintza ugari prestatu dituzte, tartean zazpi hitzaldi. Hauek izango dira hizlariak:

Ana Arnaiz eta Xabier Laka (UPV/EHUko Eskultura Saileko irakasleak).
José Parreño (poeta eta Madrilgo Unibertsitate Konplutenseko Artearen Historia Saileko irakaslea).
María Novo (poeta, idazlea, artista plastikoa eta UNEDeko Ingurumena eta Garapen Jasangarriaren Hezkuntzan UNESCO katedraduna).

Lara Almarcegui (artista).
Estibaliz Apellaniz (UPV/EHUko Paleontologia eta Estratigrafia saileko irakaslea).
Fernando Gómez Aguilera (poeta eta César Manrique Fundazioko presidentea).
Iñigo Rodriguez (arkitektoa eta UPV/EHUko Arkitektura Goi Eskola Teknikoko irakaslea).

(Iturria: UPV/EHU)