Dokumentuaren akzioak
Ariketa fisikoak lagundu egiten du ikasleen etekin akademikoa hobetzen
Irudia: SINC
Madrilgo Unibertsitate Autonomoko ikertzaileek egindako ikerketa batek dio ariketa fisikoak ikasleen etekin akademikoa hobetzen laguntzen duela.
Horretarako, 6-18 urte bitarteko 2.038 ikasleren espediente akademikoak aztertu zituzten. Honez gain, ikasle bakoitzak bere kirol ohituren gaineko inkesta bat bete zuen eta ondoren, beraien arnasketa-gaitasuna, gaitasun motorrak eta muskuluen tonua neurtzeko ariketa fisiko desberdinak egin zituzten.
Ikerketaren emaitzek erakutsi dute kirolaren ondorioz garatutako kardioarnasketa gaitasunak eta gaitasun motorrak etekin akademikoa hobetzen laguntzen dutela. Aldiz, muskuluaren tonuak ikasleengan ez duela ez onerako ezta txarrerako eragiten.
Adituen ustetan, arnasa hobeto hartzeak zelulen arteko komunikazioa sustatzen du eta gaitasun motorrak kontzentrazioaren hobekuntza.
(Iturria: Agencia Sinc)