Dokumentuaren akzioak
Animalien tratu txarra eta kriminologia berdea
Apirilaren 12an animalien aurkako tratu txarrak hizpide izango dituen jardunaldia antolatu dute bosgarrenez Donostian.
Zita, UPV/EHUko Carlos Santamaria Zentroan da eta "Animalien gaia: etika arazoak eta estrategia politikoak" lemapean indarkeria mota hau saihesteko gakoak aztertuko dituzte bertan elkartuko diren adituek. Bertan izango da besteak beste Manifiesto Animalista saiakeraren egilea, Corine Pelluchon irakaslea (Université Paris-Est-Marne-La-Vallée).
Jardunaldia Kriminologiaren Euskal Institutuak eta Euskal Biktimologia Sozietateak antolatu dute, Zaragoza Unibertsitateko Zuzenbide Fakultatearekin elkarlanean. Sarrera doakoa eta irekia da eta joan ezin duenak zuzenean jarraitzeko aukera izango du hemen.