Dokumentuaren akzioak
Aldiri arkitektura aldizkariak industria-sektorearen eraldaketa-prozesuari buruzko artikuluak jasotzeko deialdia egin du
2013/02/11 - Unibertsitatea.net
UEUren arkitektura-hiruhilabetekariak, Aldirik, industria-sektorearen eraldaketa-prozesuari lotutako artikuluak jasotzeko deialdia zabaldu du. Laburpenak martxoaren 15a baino lehen bidali behar dira.
Aldirik, UEUren arkitektura-hiruhilabetekariak, artikuluak jasotzeko deialdia zabaldu du bere blogetik.
Buzo urdinak, amantal zuriak izenpean argitaratuko den 15. zenbakia prestatzen ari dira eta bertan azken hamarkadan lurralde-antolakuntzak industriaren sektorean izan duen eragina hausnartu nahi dute.
Hori dela eta, industria-sektorearen eraldaketa-prozesuari lotutako artikuluak jasotzeko deialdia zabaldu dute: industria ondarearen berreskurapenaz, industrialde-ereduen alternatibak, industria-lurzoruen etorkizunaz….
Laburpenak martxoaren 15a baino lehen bidali behar dira aldiri@ueu.org helbide elektronikora.
Informazio guztia Aldiri blogean aurkituko duzu.